Cuallada

De Biquipedia
Ir ta: navego, busca
Cuallada

A cuallada[1] u callada[2] ye un producto lactio solido que sale d'a leit por precipitación d'a caseína baixo o efecto d'una substancia acida u/y cuallo. Ye o estau primero de tot queso u formache. A parte liquida restant ye o siero de leit. A transformación d'a leit en cuallada se diz coagulación. En a industria leitera a coagulación d'a leit se fa por un regular con cuallo. Manimenos tot acido ye susceptible de producir-la, como o suco de limón u o vinagre.

Quan a cuallada se puet tallar con una espatiella u espadiella tien prou consistencia pa poder-se masar. O "matón"[1][3] ye a cuallada masada que se posa y se preta en as formacheras y en os zarciellos[4].

Referencias[editar | editar código]

  1. 1,0 1,1 (es) Pilar Mendiara Ornat, Alicia Pérez Barcos, Josefina Mendiara Gastón, Montse Castán Arnal: Diccionario del dialecto ansotano. Villa de Ansó, 2003. p 35, p 60
  2. (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0 p 140, p 222, p 365.
  3. (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 322.
  4. (es) Brian Mott: El Habla de Gistain. Instituto de Estudios Altoaragoneses, 1989, pp 131-132.

Veyer tamién[editar | editar código]