Marinetas

Vestiu tipico de huertano de Murcia, con as marinetas que allí reciben o nombre de zaragüelles. En o vestiu tipico aragonés as marinetas van debaixo de calzón.

As marinetas son una prenda tradicional masculina que cubriba dende a cintura dica os chinullos, ligada por alto y por abaixo, y que se vestiba de regular debaixo de calzón en determinaus vestius tipicos, como por eixemplo en o vestiu tipico aragonés, en o qual fa parte d'a ropa interior.

As marinetas se confeccionan con tela blanca, lo más a sobén de filadura de lino u cotón, más fresca pa verano y más densa pa l'hibierno. Tienen una apriencia bolsuda arredol d'o chinullo, y se ligan con cintas, camaligas u bell cordel que lieva la mesma prenda. Exteriorment tienen un aspecto que fa alcordanza d'os valons, con os quals posiblement son emparentadas.

Imáchens

• 

  Vestiu aragonés (1902), con marinetas (poco vistables) debaixo d'o calzón.

Se veiga tamién

• Calzón.
• Valons (prenda).
• Pololo.
• Calzas.
• Chipón.
• Achustador.
• Chambra.