Cortz de Casp-Alcanyiz-Zaragoza (1371-1372)

Cortz de Casp-Alcanyiz-Zaragoza 1371-1372
Casp, Alcanyiz y Zaragoza
Información cheneral
Puesto	Santa María la Mayor (Casp) Santa María la Mayor (Alcanyiz) Monesterio d'os Predicadors (Zaragoza)
Ciudat	Casp Alcanyiz Zaragoza
Monarca	Pero IV d'Aragón
Cortz d'o Reino d'Aragón
Anteriors	Posteriors
Zaragoza 1367	Tamarit 1375
Mapa
Situación en Aragón

As Cortz de Casp-Alcanyiz-Zaragoza de 1371-1372 estioron unas Cortz d'o Reino d'Aragón celebradas en as ciudatz de Casp, Alcanyiz y Zaragoza y convocadas por o rei Pero IV d'Aragón dende Tortosa o día 3 d'octubre d'ixe mesmo anyo. As primeras sesions s'ubrirán o 15 d'ixe mes en a colechiata de Santa María la Mayor de Casp:

Depues de aquesto, advenient el dito dia sabbado, que se contava XXVº dias del mes de octobre, en el dito lugar de Casp fue personalment el dito senyor rey al dia por el asignado, al qual havia mandado las ditas Cortes generales de Aragon seyer aiustadas et plegadas en el lugar de Casp sobredito.

Actas d'as Cortz de 1371-1372

Debiu a una pandemia causada por una malautía en Casp as Cortz se tresladan ta Alcanyiz en zaguerías d'aviento:

Et el dito senyor rey respuso et dixo que le plazia de mudar las ditas Cortes, considerado que en aquel lugar continuava aquella malautia, que havia nombre pedimia, et non cessavan las gentes de morir de cada'l dia, empero qu'el nombrasen el lugar [...] Et el dito senyor rey, con salvamiento de las ditas protestaciones, mando continuar por el dito don Domingo Cerdan, Justicia de Aragon, las ditas Cortes del dito lugar de Casp a la villa de Alcanyz

Actas d'as Cortz de 1371-1372

Asinas o 23 d'aviento prencipian as primeras sesions en a ilesia de Santa María la Mayor d'Alcanyiz:

Apres de aquesto, dia martes de la part de suso asignado, que se contava a XXIII dias del dito mes de deziembre, en la dita villa de Alcanyz, en la yglesia de Santa Maria la Mayor de la dita villa, personalment en aquella constituydo el senyor rey et present alli el dito don Domingo Cerdan, Justicia de Aragon [...]

Actas d'as Cortz de 1371-1372

En febrero de 1372 y debiu a la extensión d'a pandemia tornaban a tresladar-se as Cortz ta a ciudat de Zaragoza:

Et deliberado por el senyor rey sobre'l mudamiento de las ditas Cortes, dixo que por complazer a los del regno et a los de la dita Cort que le plazia de mudar et continuar con voluntat dellos las ditas Cortes de la dita villa de Alcanyz, considerado encara que la staia de aquella no era bien sana, por las razones de suso ditas, yes a saber a la dita ciudat de Çaragoça, mandando aquellas por el Justicia de Aragon, judge qui alli present era, a la dita ciudat seyer continuadas

Actas d'as Cortz de 1371-1372

S'ubriban as primeras sesions o 7 de febrero en o monesterio d'os frailes Predicadors d'a capital:

Al qual dia sabbado, que se contava a siet dias del dita mes de febrero en la ciudat de Çaragoça, dentro el reffitorio del monesterio de los freyres Prehicadores de la dita ciudat, personalment en aquel constituydo el senyor rey et present alli el Justicia [...]

Actas d'as Cortz de 1371-1372

Autoridatz

Se nombran en as actas d'a Cort entre atras autoridatz a l'arcebispe de Zaragoza Lope Ferrández de Luna, o bispe de Uesca Chuan Martínez, o bispe de Tarazona Pero Pérez Calvillo, o bispe de Segorb-Albarrazín Eneco de Valterra y Sánchez d'Heredia y o Chusticia d'Aragón Domingo Ximénez Cerdán.

Vinclos externos

• (es) Actas d'as Cortz de Casp-Alcanyiz-Zaragoza de 1371-1372
• (es) Antonio de Capmany de Montpalau y Surís: Colección de córtes de los antiguos reinos de España. Academia de la Historia, 1853.

Predecesor: Cortz de Zaragoza (1367)

Cortz d'o Reino d'Aragón Cortz de Casp-Alcanyiz-Zaragoza (1371-1372)

Succesor: Cortz de Tamarit (1375)