Cornus sanguinea
| Cornus sanguinea | |
|---|---|
 | |
| Denominacions populars | |
sanguinera / sangrinera, sangrinyera, sanguenyero, sanguinyera, sanguinyero, sanguín / sanguino, xanguino, xanguinyo, sangonillo, sanguenya, sanguenyo, sanguina, sanguinyo, sanguilla, pixasangre / pixasang, corniera de lobo, cornillera, pelaburro | |
| Clasificación cientifica | |
| Eukaryota | |
| Plantae | |
| Cornales | |
| Cornaceae | |
| Cornus | |
| C. sanguinea | |
| Descripción | |
| Distribución cheografica | |
 | |
A sanguinera[1][nota 1] u sanguín[1][nota 2] (nombre cientifico Cornus sanguinea (Linnaeus, 1753)[2]) ye una especie de planta d'a orden d'os Cornales y familia Cornaceae que ye nativa d'a mayor parti d'Europa y Asia occidental. Se cautiva amplament como planta ornamental. Os suyos lulos son consumius per cualques mamifers y muitas aus. Muitas aus Passeriformes fruchivoras as troban irresistibles y las prefieren a las fruitas cautivadas per humans. Per tanto, a planta a ormino se cautiva en chardinería organica y permacultura pa privar mals a los cautivos d'hortal, mientres se beneficia d'o feito que mesmo as aus fruchivoras cazarán muitos insectos mientres a temporada de reproducción, ya que las suyas crietas requieren muita proteína pa creixer.
Nombres
[editar | modificar o codigo]Se diz sanguinera[1][3] en Bestué, Bielsa, Chanovas, Ligüerre d'Ara y Viu de Linars, sanguinyera[1][3] en Rodellar y sanguenyero[1][3] en Labata. Atras formas comuns son sanguín[1][3] dito en Biescas, Campo, Capella, Gavín, La Puebla de Castro y Yesero y sanguino[1][3] rechistrau en a redolada de Turbón y en as localidaz d'Aragüés de lo Puerto, Campo, Gavín, Monzón, Torrociella d'Alcanyiz, La Poblla de Fantova y Yesero. Se documentan tamién sanguinyo[1][3][4] en Sarrablo y en localidaz como Biel, Capella y Monzón, sanguenyo[3] en Labata y Salas Altas y sanguenya[3] en Betorz, Fanlo y a val de Vio. En relación con as anteriors se troba sangonillo[1][3] en Echo y sanguilla[3] en Forniellos.
Una forma diferent, pero con o mesmo orichen ye pixasangre[1][3], documentada en Pueyo de Santa Cruz, con a suya variant pixasang[1][3] en Arasán.
Amás existen atras denominacions como corniera de lobo[1][3], rechistrada en Campo, cornillera[1][3] en Nerín y pelaburro[1][3] en Biel, Exeya d'os Caballers y Luesia.
Notas
[editar | modificar o codigo]Referencias
[editar | modificar o codigo]- 1 2 3 4 5 6 7 8 9 10 11 12 13 14 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) C.A. Stace: New Flora of the British Isles (3era ed., 2010). Cambridge, Reino Uniu, Cambridge University Press. ISBN 9780521707725.
- 1 2 3 4 5 6 7 8 9 10 11 12 13 14 15 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.
- ↑ (es) José Vicente Ferrández Palacio: La flora y vegetación del valle de Chistau, pp. 325-337, Revista del Centro de Estudios de Sobrarbe num. 11 (PDF), 2007,ISSN 1136-4173.
Vinclos externos
[editar | modificar o codigo]
Se veigan as imáchens de Commons sobre Cornus sanguinea.
Wikispecies tiene un articlo sobre Cornus sanguinea.
| Control d'autoridaz |
|
|---|
Datos: Q161416- Multimedia: Cornus sanguinea / Q161416
- Especies: Cornus sanguinea