En 1922 una colla d'amigos d'a ciudat creyan o CD Binefar. A primera equipación de l'equipo sería azulgrana como o F. C. Barcelona, ya que os chirmans Juan y Agustín Basols, fundadors, yeran aficionatos a l'equipo catalán. Quan se creyo a Federación Aragonesa de Fútbol o Binéfar estió un d'os primeros clubs que s'inscribió.
O primer esito d'o club plegó en a temporada 1948/49, quan puyoron ta 3ª División (actual 2ªB). En 1949 chugó a Copa d'o Cheneralismo ta aficionatos, pero perdió contra o FC Barcelona Amateur. Tamién chugó más tardi dos vegatas as eliminatorias ta puyar ta Segunda División, pero perdió as dos, a primera en l'anyo 1954/1955 contra o Plus Ultra (actual Real Madrid Castilla) y a segunda en l'anyo 1956/1957, estando subcampión de Tercera División perdió contra La Felguera, manimenos muitos d'os chugadors d'iste historico equipo gosoron chugar dimpués con equipos importants como o Barça.
En a temporada 1969/70 baixoron ta Rechional, pero tornoron ta Tercera en 1970/71. Dende allora ha chugato en Tercera y 2ªB. En a suya trachectoria en istos anyos en a Copa d'o Rei ha chugato con equipos como o Real Mallorca (1981), l'Athletic de Bilbao (1983) o Betis y o Real Zaragoza (89/90).
L'actual ye o Estadio de Los Olmos, que s'establió en l'anyo 2008.
Antis más o Club Deportivo Binéfar chugaba en o campo de El Segalar, mercato por o concello municipal de Binéfar o diya 17 de setiembre de 1943 por un pre de 22.000 pesetas.
Dica ixa calendata l'equipo heba chugato en atros campos como El Cuadrao en a carretera d'Esplús, o Campo d'o Toya y o Campo d'a Figuera en l'actual Avenita d'o Pilar.
Tercera División (Grupo XVII)
.jpg)
