Chuan VI Cantacuzeno
| Chuan VI Cantacuzeno | |
|---|---|
| Emperador de l'Imperio Bizantín | |
 | |
| 1347 – 1353 | |
| Predecesor | Chuan V Paleologo |
| Succesor | Chuan V Paleologo |
| Naixencia | arredol de 1292 |
| Muerte | 15 de chunio de 1383 Mistra, Peloponeso, Grecia |
| Conchuche/s | Irene Asanina |
| Dinastía | Paleologos-Cantacuzeno |
| Pai | Miguel Cantacuzeno |
| Mai | Angelina Cantacuzena |
 | |
Chuan VI Cantacuzeno ye naixito de Costantinoble arredol 1292 y morió en Mistria (Peloponiso) o 15 de chunio de 1383. Estió emperador de l'Imperio Bizantín entre 1347 y 1354.
Dende 1321 Chuan Cantacuzeno y Alexo Apocaucos refirmoron a lo co-emperador Andronico III, nieto d'Andronico II y emperador unico dende 1328. Con ixo encomenzoron unas conspiracions palacinas que anyadioron inestabilidat en l'Imperio Bizantín d'os Paleologos. Con tot y con ixo Chuan Cantacuzeno yera qui de verdat teneba o poder, y reconquirió Morea y Epiro, mientres Apocaucos gobernaba Tracia.
Quan morió Andronico III en 1341 se produció una luita por o poder que duró dica 1354 y en a que salió ganador Chuan Cantacuzeno mientres Apocaucos empentaba una revuelta social, a d'os zeloz entre 1342 y 1349 en a que fuoron saqueyatas Andrianoplin y Salonica. O rei serbio Dušan, antigo aligato de Cantacuzeno aproveitó a situación pa ocupar Macedonia, Epiro y Albania (ya en 1336), Tesalia y atras rechions griegas. Chuan Cantacuzeno consiguió o títol de co-emperador en 1347 y posó a los suyos fillos como sinyors en Morea y Tracia Occidental.
Chuan VI miró l'aduya otomana. Orján, o fillo d'Osmán lo aduyó a prener o poder en Costantinoble en 1345, y ixo fue un desastre bellas anyatas dimpués, sobretot dende 1352 quan ocuporon Gallipoli y en 1354 Tracia oriental. Miró tamién o refirme venecián y catalán pa contrarrestar a preponderancia chenovesa. Costruyó una flota que dimpués destruyoron os chenoveses en represalia por haber quiesto prebar de limitar o suyo poder.
En 1353 Chuan VI Cantacuzeno habió de dixar o poder.
En a "Cronica de Morea" li dicen Cathacusino:
.
| Predecesor: Chuan V Paleologo |
Emperador de l'Imperio bizantín 1347-1354 |
Succesor: Chuan V Paleologo |