Chinche

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre as chinches que son hemipteros. Ta l'insecto hematofago que parasita a las personas, se veiga Cimex lectularius.

Cuatro especies d'hemipteros que se conoix como chinches.

Chinche u chincha (d'o latín <CIMEX, CIMICIS; «chinche d'os linzuelos») ye una denominación popular chenerica que se da a un conchunto muit numeroso d'especies d'insectos hemipteros heteropteros de vida terrestre, con a cabeza y o tórax poco diferenciaus y o primer par d'alas que tienen a primera metat dura (hemielitro) y a segunda metat tova y membranosa, y que cuan son plegadas sobre o cuerpo fan l'aspecto de continar-se con o torax, de forma que aparenta que toda a parte superior d'o cuerpo de l'animal se troba protechida con una cuiraza.

Unatra caracteristica cheneral en toz os hemipteros que se conoix como chinches ye la suya forma d'alimentación, pus son toz parasitos de plantas, a las cuals les zurrupan a sapia a traviés d'un aparello bucal especializau en forma de trompa que guardan apretau contra o peito cuan no se son alimentando. Por a suya alimentación, muitas chinches son perchudicials ta l'agricultura.

A color d'o cuerpo d'os adultos puet estar muit diversa, habendo-ie especies de colors muit vivas. Manimenos, a mayoría de chinches tienen colors relativament mimeticas que bailan d'entre as diferents tonalidaz de verde dica diferents graus de marrón, con u sin piquetas, rayas, franchas d'una color secundaria, etc.

Anque en Europa i ha cientos d'especies que recibirían o nombre popular de chinches (milenta en tot o mundo) o concepto de chinche no puet extrapolar-se a toda la orden Hemiptera, porque ista incluye atros grupos d'insectos que no reciben popularment a denominación de chinche, ya que a chent sin conoiximientos d'entomolochía no gosa percibir-las como emparentadas con as chinches: os ferfez, os polecons, os zapateros, as cucas de remo, etc.

Imáchens

• 
  Cyphostethus sp.
• 
  Pyrrhocoris sp.
• 
  Elasmucha sp.
• 
  Betancuria sp.
• 
  Acanthosoma sp.
• 
  Sastragala sp.
• 
  Elasmotethus sp.
• 
  Melanocoryphus sp.

Referencias

• Datos: Q13048730