Castanyetas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Castanyetas Pulgaretas
Castanyetas
Clasificación
Instrumento de percusión

As castanyetas u pulgaretas son un instrumento musical de percusión que consiste de dos piezas concavas que se fan trucar la una contra l'altra. Se solen elaborar con madera, anque bi'n ha que son feitas de vori, metal u dica cualques formas de plasticos u resinas sinteticas modernas. Se piensa que las prencipioron a fer os fenicios, en fa arredol d'os 3.000 anyos, y que con o comercio a traviés de la Mediterrania s'espandioron per toz os territorios arredol d'a cuenca d'ista mar.

As castanyetas son tradicionals en a musica de muitos países europeus, pero diz que en Espanya ye a on mes fino s'ha feto l'arte de tocar-las, desarrollando-se-ie muito mes a tecnica en paralelo con os estilos musicals (o folklore tradicional) que bi las emplegan. Existen diferents variedaz espanyolas d'este istrumento; en Galicia, en Cantabria (a on as claman Tarrañuilas), en as Balears y en as Canarias (a on bi en dicen Chácaras). En Aragón as castanyetas tradicionals son mes grans que en a resta d'Espanya, feitas de regular con o durel d'o buixo, y a sobén con debuixos gravatos en a superficie que representan motivos cheometricos y tradicionals (rosetas, cuatrefuellas, zanefas, etc).

A ritmicidat d'o toque d'as castanyetas ha feto que se'n diga de diferents manieras seguntes o compás que sigan. Un d'estes toques l'ha dato lo nombre a una d'as bailes tradicionals de l'Alto Aragón, o Tin Tan, que ye a onomatopeya d'o toque de castanyetas que se fa.

Vinclos externos

• Se veigan as imáchens de Commons sobre castanyetas.