Cuatrefuellas
As cuatrefuellas[1][nota 1] son unas cruces emplegatas a sobén ta decorar as fronteras u puertas de muitas casas d'o Pireneu aragonés en forma d'amuleto u talismán.
Tamién s'emplega en muitos atros puestos antimás d'Aragón, como Navarra, País Basco (a on se conoixen como lauburu, en idioma basco significa "cuatre tozuelos") u Galicia. Tamién s'ha trobato istos simbolos en representacions artisticas d'atros pueblos como os celtas, chermans (por eixemplo visigodos).
En Cantabria existe un simbolo pareixito dito labaro.
Encara que en Aragón tamién gosa decir-se a iste tipo de simbolos religadas, cuatrefuellas, como diz o mesmo nombre, ye como se dicen as religadas de cuatre fuellas.
Orichen
[editar | modificar o codigo]O simbolo ye muit común en muitas d'as culturas indoeuropeas, encara que con belas modificacions. O suyo pareixito con a esvastica (encara que os brazos d'as cuatrefuellas son curbos) denota un orichen celta.
O suyo significato orichinal no ye prou claro, encara que se sabe que ye un simbolo precristián. Belas interpretacions dicen que representa o sol; atras o movimiento y atras dicen que con chiro ta la ezquierda ye simbolo de vida, y con chiro ta la dreita ye simbolo de muerte, razón por a cual apareixe d'ista zaguera traza en molimentos funerarios.
Notas
[editar | modificar o codigo]- ↑ Con a variant palatalizada cuatrofuellas
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Se veiga tamién
[editar | modificar o codigo]Vinclos externos
[editar | modificar o codigo]
Se veigan as imáchens de Commons sobre os cuatrefuellas.
