Carioferina β

De Biquipedia
Ir a la navegación Ir a la búsqueda

A carioferina β («carioferina beta») ye una proteína, d'o grupo funcional d'as carioferinas, involucrada en o transporte de biomoleculas d'entre o citoplasma y o nuclio celular.

Actuación[editar | editar código]

A carioferina β actúa doblement: Puede operar como importina en a «importación» cara a o nuclio celular, u fer d'exportina en a «exportación» cara a o citosol.

Quan actúa como importina, a carioferina β tiene la propiedat de ligar-se fuertement con a carioferina α en a vía d'as carioferinas α y β, y de desunir-se d'ista y d'a suya molecula de carga, tot liberando-la, quan se troba con una molecula de RanGTP activa en o interior d'o nuclio. O cambeo de conformación tridimensional que a proteína Ran le prevoca no se conoix encara guaire bien, pero el que sí que pareix claro ye que quan se desprende d'a carga importada, a carioferina gana afinidat per a propia Ran y se i une con fuerza. En iste estau, a carioferina β puede actuar como exportina ta la proteína Ran, meyando la conducción cara a o citoplasma a traviés d'o complexo de poro nucleyar. Un efecto colateral d'iste fenomén, con muita aplicación en a celula viva, consiste en que a proteína Ran se presente a la carioferina β unida con a suya propia carga, en formando el que bell uns identifican como «complexo ternario» d'a exportación nucleyar. Asinas, a función exportadera d'a carioferina s'aprofeita ta exportar altras moleculas cara a lo citosol quan van unidas a la forma RanGTP d'a proteína Ran.

Iste ciclo curto remata quan, en habendo travesau lo compexo de poro nucleyar, RanGTP (trifosfato) sufre una hidrolisi (defosforilación) d'o mononucleotido de guanina y pasa a o estau de RanGDP (difosfato), per partes d'a proteína RanGAP. A fosfatasa RanGAP ye una proteína libre en Saccharomyces, pero se troba ligada contra lo complexo de poro nucleyar en plantas y animals, per el que la dita defosforilación ocurre a l'inte en istes organismos. O cambeo de conformación d'a proteína Ran en estau RanGDP fa que se trenque la unión con carioferina β, que alavetz torna a quedar libre en o citoplasma.

Se veiga tamién[editar | editar código]