Cantón d'Herzegovina-Neretva

Cantón d'Herzegovina-Neretva Hercegovačko-neretvanski kanton Hercegovačko-neretvanska županija Херцеговачко-неретвански кантон
Cantón d'a Federación de Bosnia y Herzegovina
Bandera Escudo
Entidat  • Estato  • Entidat	Cantón Bosnia y Herzegovina Federación de Bosnia y Herzegovina
Capital	Mostar
Subdivisions	12 municipios
Superficie  • Total	4 401 km²
Población  • Total (2013)	236 278 hab.
ISO 3166-2	BA-07
Etnia mayoritaria	Crovata y bosniaca
ISO 3166-2	BA-07
Localización d'o cantón d'Herzegovina-Neretva
Pachina web oficial

O cantón de Bosnia Central (en bosniaco Hercegovačko-neretvanski kanton, en crovate Hercegovačko-neretvanska županija, en serbo Херцеговачко-неретвански кантон) ye un d'os 10 cantons en que se divide a Federación de Bosnia y Herzegovina, en Bosnia y Herzegovina. Ye situau en o sud d'o país y ye formau mas que mas por a zona d'a val d'o río Neretva y zonas d'Herzegovina a l'ueste de Mostar, o suyo centro administrativo. O cantón tien una superficie de 4.401 km² y teneba una población de 225.930 personas en 2009.

Cheografía y caracteristicas

O cantón ye l'unico de Bosnia y Herzegovina con acceso a la mar, a traviés d'o municipio de Neum. Neum ye una población de 2.000 habitants (seguntes o censo de 1991) y a suya redolada ye rica en historia y restas arqueolochicas d'orichen ilirio. Os ilirios estioron un pueblo que habitó os Balcans mientres mils d'anyos.

A ciudat mas gran d'o cantón y a cinquena de tot o país ye Mostar, famosa por o suyo puent Stari Most y a ciudat antiga, amán d'o puent. O puent fue reconstruyiu en o verano de 2004, dimpués d'estar totalment destruyiu por fuerzas crovates mientres a guerra de Bosnia. A la ceremonia d'inauguración asistioron quantos delegaus foranos entre ells Stjepan Mesić, president de Croacia. Mostar ye situada a cantos d'o río Neretva y ye habitada por mayoría de crovates y bosniacos.

Atras ciudatz famosas d'iste cantón son Čapljina, Konjic, Jablanica y o mundialment famoso Santuario de Medjugorje. Jablanica y Konjic son famosas por as batallas mientres a Segunda Guerra Mundial y bi ha un gran museu en Jablanica dedicau a istas batallas.

O río Neretva pasa por as ciudatz de Konjic, Jablanica, Mostar y Čapljina antis de fluyir a traviés de Croacia enta a mar Hadriana. Tamién bi ha grans lacos en o cantón, como o laco Jablanica arredol d'a ciudat homonima. O municipio mas meridional d'o cantón ye o de Neum, chunto a la mar Hadriana y o mas oriental ye o de Ravno, a o largo d'a muga con Croacia.

Organización administrativa

Administrativament, o cantón de Herzegovina-Neretva se divide en 9 municipios:

Municipio	Superficie km²	Población (2013)	Etnia mayoritaria
Čapljina	256	28.122	Crovata
Čitluk	181	18.552	Crovata
Jablanica	301	10.111	Bosniaca
Konjic	1.169	26.381	Bosniaca
Mostar (capital)	1.175	113.169	Mixta
Neum	225	4.960	Crovata
Prozor-Rama	477	14.280	Crovata
Ravno	286	3.328	Crovata
Stolac	331	14.889	Crovata

Grupos etnicos

Étnicament, o cantón ye dividiu y ye una sociedat mixta de población bosniaca y crovata a diferencia d'atros cantons en os que quasi bi ha una etnia unica.

Os crovates son mayoría en os municipios de Čapljina, Čitluk, Neum, Prozor-Rama, Ravno y Stolac. Os bosniacos constituyen mayoría en os municipios de Jablanica y Konjic. O municipio de Mostar, en a parti central d'o cantón, ye en gran mida una mezcla de bosniacos y crovates.

En 2003, a población d'o Cantón d'Herzegovina-Neretva yera de 219.223 habitants, dividius en:

• Crovata: 110.714 (50,5%)
• Bosniacos: 102.019 (46,5%)
• Serbos: 5.486 (2,5%)
• Atros: 1.004 (0,5%)

Seguntes o censo de 2013, a población d'o Cantón d'Herzegovina-Neretva yera de 222.007 habitants, dividius en:

• Crovata: (53,29%)
• Bosniacos: (41,44%)
• Serbos: (2,90%)

Se veiga tamién

• Cantons d'a Federación de Bosnia y Herzegovina.
• Organización territorial de Bosnia y Herzegovina.

Vinclos externos

• Se veigan as imachens de Commons sobre o cantón d'Herzegovina-Neretva.
• (br) Pachina web oficial.