Buenaventura Durruti

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Buenaventura Durruti
Información personal
Calendata de naixencia	14 de chulio de 1896
Puesto de naixencia	Leyón
Calendata de muerte	20 de noviembre de 1936
Puesto de muerte	Madrit
Ocupación	Politico

Buenaventura Durruti Dumange (Leyón, 14 de chulio de 1896 - †Madrit, 20 de noviembre de 1936) estió un sindicalista y revolucionario anarquista leyonés.

Biografía

Naixió de Leyón o 14 de chulio de 1896 en o barrio de Santa Ana, fillo d'un treballador afillato a lo sindicato socialista UGT. Participó en a vada cheneral revolucionaria de 1917 como militant de UGT, y en sería aventato por esfender posicions revolucionarias.

Se tresladó en 1920 ta Barcelona, an s'afilió a la CNT (Confederación Nacional del Trabajo). En 1922 creyó en chunto con Joan García Oliver y Francisco Ascaso lo grupo "Os Solidarios", con a que perpetró un atraco a lo Banco d'Espanya de Xixón en 1923. Se li acumuló tamién l'asesinato d'o cardenal Juan Soldevila y Romero, un d'os principals financiadors en Aragón d'os comandos de pistolers blancos d'a patronal, que asasinaban a militants obrers destacatos. Habió de fuyir ta l'Archentina y dimpués ta Chile an chunto a companyers anarquistas levan a cabo la primera enrestida en ixe país, l'atraco ye producto d'una campanya ta achuntar recursos ta liberar a companyers que se trobaban en bellas garcholas d'Espanya. Continó dimpués o suyo paso por atros países latinoamericans y europeus.

En 1931 tornó ta Espanya, y s'integró en o sector faista (proximo a la FAI, Federación Anarquista Internacional) d'a CNT —belicherant con a II Republica— y prenió parti en as insurreccions de 1932 y 1933.

Morió en primerías d'a Guerra Civil espanyola mientres a batalla de Madrit, o 20 de noviembre de 1936.

Vinclos externos

• Se veigan as imachens de Commons sobre Buenaventura Durruti.