Leyón

	Leyón
	Municipio de Castiella y Leyón
	; Plaza Mayor
Entidat; • Estau; • Comunidat; • Provincia; • Comarca	Municipio; Espanya; Castiella y Leyón; Leyón; Tierras de Leyón
Superficie	39,20 km²
Población; • Total	; 120 951 hab. (2013)
Altaria; • Meyana	; 838 m.
Distancia; • 290 km	; enta Madrit
Alcalde	José Antonio Díez Díaz
Codigo postal	24001–24010
Chentilicio	Leyonés/a
Coordenadas	42°35’56’’N 5°34’ 0’’U
	Leyón Leyón en Castiella y Leyón
	Web oficial

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Leyón (en leyonés Llión, en castellano León) ye una ciudat espanyola, capital d'a provincia de Leyón (Castiella y Leyón).

En 2005 a población yera de 136.414 habitants. A densidat de población ye de 3.480 habitants/km².

Toponimia[editar | modificar o codigo]

Probién d'o latín LEGIO, LEGIONIS a traviés d'a radiz LEGIONE de l'acusativo, nombre que teneba por estar-ie acampata a Legio VI Victrix ("lechión VI victoriosa") en tiempos d'as guerras cantabras. A evolución de LEGIONE en aragonés tien puntos en común con a evolución de SIGILLUM, RIGELLUM, REGAL y LEGAL, que pierden a G dando siello/seyello, Riello/Reyello, Reyal, Leyal:

LEGIONE > *Legión > Leión.

En o Liber Regum s'escribe Leiion y Manuel Alvar da noticia d'a forma leione entre os elementos parcialment romances d'o latín medieval que estudeyaba.

est rei Don Alfonso conquerie Lugo de moros, Tub e Portugal e Bragana e Viseu Flavia e Delesma e Salamancha e Çamora e Astorga e Leiion

D'alcuerdo con a ortografía de l'Academia de l'Aragonés s'escribe a -y- pa marcar a epentesi antihiatica en casos como reyal, leyal que en latín tienen una consonant intervocalica (REGALE(M), LEYALE(M)). O toponimo "Leyón" ye o mesmo caso por provenir de LEGIONEM a diferencia d'o zoonimo "lión" y l'antroponimo que en deriva.

A primera mención d'o toponimo en astur-leyonés ye o documento lº 202 d'a Seu de Leyón, calendato en l'anyo 948:

Obecus episcopis in Lion

Entre os sieglos X y XII os cristianos d'a peninsula gosan escribir-lo leione porque escribiban en latín. Os cronistas hispano-musulmans lo escribiban Al-Uyun, que significa as fuents.