Brecha

Brecha de basalto, a matriz de color verde ye formada por epidota.

Brecha de lo Triasico superior de lo Condato de York, Pennsylvania.

Megabrecha (ezquierda) en los Estreitos de Titus Canyon.

Brecha terciaria en lo Paso de Resting Springs, Desierto de Mojave, California.

Una brecha ye una roca formada por fragmentos crebaus de minerals u rocas cementaus chuntos con una matriz de gran fin que puet estar diferent u similar en composición a los fragmentos.

Las brechas pueden tener orichens muito diferents unas d'atras, como indican las denominacions d'os tipos: brecha sedimentaria, brecha tectonica, brecha piroclastica, brecha ignia, brecha d'impacto, brecha hidrotermal, ecetra.

Etimolochía

La parola brecha usual en cheolochía en los diferents idiomas con chicotas variacions ye amprada de lo italián breccia, luenga a on esta parola significa tanto grava u glera como almendrón. La parola breccia ye d'orichen chermanico con la radiz indoeuropeu bhreg- que en latín ha orichinau FRAGILIS y FRANGERE, en gotico brigan ("crebar"), en anglés to break y en francico breka ("crebau"). Ye de lo francico breka d'a on provién lo termin melitar francés brèche, l'occitán breca/bretxa y l'aragonés chistabín breca, que se relaciona con lo toponimo aragonés "Breca de Roldán".