Boto

De Biquipedia
Ir a la navegación Ir a la búsqueda
O termino bot reendreza ta ista pachina. Ta o municipio d'a Terra Alta se veiga Bot (Terra Alta)
Camparol cheorchiano carriando un boto d'aceite a codetas.

Un boto (d'o latín <BUTTU, con o mesmo significau) ye un recipient de cuiro u piel d'animal, por un regular de craba u ovella, tornau por a cara reversa y apegau en todas as discontinuidatz sacando a que corresponde con o cuello de l'animal, que s'emplega ta contener y/u tranportar liquidos, como augua, aceite, vino, vinagre, pegunta u belatros.

Por a facilidat d'obtención d'o material con o qual s'elabora, y por a inexistencia d'atros materials de millors prestacions, os botos fuen os prencipals recipients emplegaus en o pasau ta transportar cantidatz de pocos litros de liquido, y se'n troba muestras d'haber-los emplegau dende l'Antiguedat. En Aragón yeran a forma mas freqüent de transportar liquidos como l'aceite y o vino, ta comerciar con ellos, dica que l'aparición d'os materials plasticos permitió a substitución por as actuals botellas y garrafas.

Como s'elaboraban con un material natural, a mida final d'os botos dependeba de a mida que tenese l'animal con o qual se feba. Os botos d'animals adultos pareix que habrían estau menos freqüents que os elaboraus con os pellizos d'as crías, con freqüencia con os de crabito, que a sobén recibiban a denominación diminutiva de «boticos». A forma femenina «bota» s'emplega ta un tipo concreto d'istos boticos que s'emplega ta transportar y consumir bebidas.

Se veiga tamién[editar | editar código]

Vinclos externos[editar | editar código]