Batería (musico)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un batería ye una persona que tanye a batería. O termin percusionista s'aplica a musicos que tanyen cualsiquier instrumento de percusión, pero a sobén se refiere a qui fa percusión clasica u latina. A mayoría de grupos de rock, pop, jazz, R&B etc. encluyen un batería en a suya formación, que ye qui leva o ritmo d'a musica tanyendo o pulso d'a canción, que se repite en cada compás, anyadindo breaks, mas que mas debant d'os cambios en a canción.

Muitos baterías son musicos de sesión y no son fixos en un grupo particular, sino que treballan con diferents. A notación de percusión ye emplegata por os baterías ta creyar y memorizar os ritmos de batería. Ditos ritmos pueden variar en velocidat, volumen y complexidat pendendo d'o chenero musical, pero son disenyatos a sobén ta servir como base a la resta d'instrumentos musicals. Os baterías gosan treballar con os baixistas ta composar a sección ritmica d'a canción.