De facto

De Biquipedia
Ir a la navegación Ir a la búsqueda

De facto[1] ye una exprisión latina que quiere decir de feito u practicament, y fa referencia a situacions que no son incluyidas en una lei pero que se dan de feito, fendo omisión de qualsiquier contracto, lei, u situación legal. Ista exprisión se contraposa a de iure, ye decir, de dreito.

Se puet parlar d'as parellas de feito, u d'a cohabitación, de facto, que fa referencia a las parellas no reguladas por a lei, u por un contracto matrimonial. Quan se parla de normas u stándards de facto se fa referencia a documentos u ferramientas que son seguidas por a industria como si hesen estau aprebadas por organismos oficials, pero que en realidat no l'han estau.

Un gubierno de facto ye aquell que ha preso o poder dimpués d'un golpe d'estau, u por ocupar un vueito de poder.

Tamién se parla de población de facto quan se fa referencia a os habitants, incluyius os transeunts, que no son inscritos en o censo d'un lugar, ciudat, provincia, etcetera. D'atra man a población de iure ye formada por as personas inscritas en o censo, u d'a nacionalidat d'a que se parla.

Referencias[editar | modificar o codigo]

  1. (an) Versión preliminar d'o Diccionario Ortografico d'o Estudio de Filolochía Aragonesa, inedita. Noviembre 2021.