Baixo alemán oriental

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Baixo alemán oriental
Ostniederdeutsch
Variedaz d'o baixo alemán
Localización cheografica
Estau {{{estau}}}
País {{{país}}}
Rechión {{{rechión}}}
Parlau en Alemanya
Polonia
Brasil
Lugars principals
Estatus
Atras denominacions
Charradors
Oficial en
Reconoixiu en {{{reconoixiu}}}
Regulau por
Vitalidat Alta
Literatura
Escritors principals
Rasgos dialectals Baixo alemán
Clasificación lingüistica
Indoeuropea
Codigos
ISO 639-1
ISO 639-2 nds
ISO 639-3 nds
SIL nds

O baixo alemán oriental (en alemán Ostniederdeutsch) ye un grupo de dialectos d'o baixo alemán, incluyindo-ie cualques variedaz conoixidas como pomeranio y prusiano, charradas en o nord-este d'Alemanya asinas como por minorías en o norte de Polonia. Chunto con o baixo alemán occidental, constituye o baixo alemán. Antis de 1945 iste dialecto yera charrau en toda a costa baltica alemana, dende Mecklenburgo, en pasando por Pomerania, Prusia Occidental dica bellas localidaz d'a rechión de Memel-Klaipėda en Prusia Oriental.

As variedaz conoixidas como pomeranio (en alemán Pommersch) no han de confunir-se con o pomeranio (en alemán Pomoranisch), luenga eslava occidental.

Luengas relacionadas[editar | modificar o codigo]

O baixo alemán oriental perteneixe a o continuum dialectal d'as luengas chermanicas occidentals continetals. Se desenvolica a partir d'o baixo alemán meyo.

En l'ueste bi ha una transición suau enta o baixo alemán occidental. Se fa referencia por un regular a la distinción entre éls por a rematanza plural d'os verbos: en baixo alemán oriental as rematanzas se basan en l'antiga rematanza de primera persona: -e(n), mientres que en baixo alemán occidental as rematanzas se basan en l'antiga rematanza de segunda persona: -(e)t. No toz os lingüistas fan a mesma categorización d'os dialectos d'o baixo alemán entre oriental y occidental.

En o sud tamién existe una transición suau enta l'alto alemán central oriental. A mayor diferencia entre istos dos grupos ye que as variedaz d'o baixo alemán oriental no se veyen afectadas por a segunda mutación consonantica. As arias afectadas por a segunda mutación consonantica continan estendillando-se en l'actualidat, mas que mas o dialecto berlinés que ye ganando terreno en as zonas propias d'o brandemburgués, dialecto por o que ye rodiau.

Dialectos[editar | modificar o codigo]

Municipios a on os dialectos pomeranios son co-oficials en o estau d'Espírito Santo, Brasil.

Os dialectos d'o baixo alemán oriental son:

S'incluye en ista clasificación a o Plauttdietsch (orichinal de Gdańsk), que charran as comunidaz menonitas en America d'o Norte, Mexico y belatros puestos d'o mundo. En Berlín una versión d'o brandemburgués yera charrau en epoca medieval dica que a ciudat asimiló un dialecto alemán central oriental que incorpora elementos d'o brandemburgués y que se desenvolicó en l'actual berlinés.

O Baltendeutsch, d'atra man, ye una variedat altochermanica influyenciada por o baixo alemán oriental que yera parau d'antis mas por os alemán en os Estatos balticos.

Dialectos pomeranios[editar | modificar o codigo]

En Pomerania, se charran u charraban cuantos dialectos d'o baixo alemán oriental:

  • Pomeranio occidental (en alemán Westpommersch u Vorpommersch), un subdialecto d'o mecklenburgués-antepomeranio
  • Pomeranio occidental central (Westmittelpommersch) y pomeranio oriental central (Ostmittelpommersch) - dialectos d'o brandemburgués
  • Pomeranio oriental-Prusiano occidental (Hinterpommersch-Westpreußische, extincto en Europa, pero encara vivo en Brasil)
    • Pomeranio oriental de l'ueste (Westhinterpommersch)
    • Pomeranio oriental de l'este (Osthinterpommersch)
    • Bublitzisch
    • Pommerellisch

Os dialectos alemans de Pomerania son replegaus y descritos en o Pommersche Wörterbuch ("Diccionario pomeranio"), un diccionario d'os dialectos alemans charraus en as mugas d'a provincia de Pomerania en 1936.

Os dialectos pomeranios d'o baixo alemán oriental se parlan también en Brasil (se veiga Pomerode, en Santa Catarina, Santa Maria de Jetibá, en Espírito Santo, y Arroio do Padre, Morro Redondo, Turuçu, Canguçu, São Lourenço do Sul y Pelotas, en Rio Grande do Sul).