Mar de Tasmania
| Mar de Tasmania Tasman sea / Te Tai-o-Rehua | |
| Ocián u mar d'a IHO (n.º id.: 63) | |
 | |
| Localización administrativa | |
|---|---|
| Estau |  Australia Nueva Zelanda
|
| Cheografía | |
| Ocián | Ocián Pacifico |
| Continents | Ocianía |
| Mars mugants | Mar de Coral |
| Islas interiors | Isla de Lord Howe, Piramide de Ball y isla Norfolk |
| Ciudatz costeras | Newcastle, Sydney, Wollongong, Auckland, Wellington, Hobart |
| Accidents | |
| • Estreitos | Estreito de Bass y estreito de Banks (Australia y Tasmania) y estreito de Cook (islas de Nueva Zelanda) |
| Superficie | 2.331.000 km² |
| Largaria maxima | 2.800 km |
| Amplaria maxima | 2.000 km |
| Mapa | |
 | |
A mar de Tasmania (en anglés Tasman sea, en maorí Te Tai-o-Rehua) ye una mar situada entre Australia y Nueva Zelanda, d'uns 2.000 kilometros de largaria. Representa a parti sud-occidental de l'ocián Pacifico.
Fue baptizau asinas en honor d'o explorador holandés Abel Tasman, o primer europeu que descubrió Nueva Zelanda y Tasmania en o sieglo XVII. Dimpués, en os anyos 1770, o navegant anglés James Cook exploró a mar de Tasmania con mas detalle mientres o suyo primer viache.
Seguntes a Organización Hidrografica Internacional, as auguas d'a mar de Tasmania son as que banyan os estaus australians de Nueva Galas d'o Sud, Victoria y Tasmania. O estau de Queensland, mas enta o norte, ya ye banyau por a mar de Coral, y a muga territorial entre iste estau y Nueva Galas d'o Sud se considera que ye a muga entre as dos mars.
En a mar de Tasmania bi ha quantos grupos d'islas, prou desapartadas d'as costas australianas y neozelandesas. Entre istas, destacan as siguients, todas as qualas son posesions d'Australia:
- a isla de Lord Howe y as islas adchacents;
- Piramide de Ball;
- a isla Norfolk, en l'extremo norte d'a mar de Tasmania, en a muga con a mar de Coral.
Vinclos externos[editar | modificar o codigo]
Se veigan as imáchens de Commons sobre a mar de Tasmania.
