Arrowtown

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Arrowtown
Localidat de Nueva Zelanda
Buckingham Street, prencipal carrera comercial d'Arrowtown
Estau  • Rechión  • Districto	Nueva Zelanda Otago Queenstown-Lacos
Superficie	8704,97 km²
Población  • Total	2445 hab. (2013)
Coordenadas
Arrowtown Arrowtown en Nueva Zelanda
Web oficial

Botica Amcal Arrowtown

Arrowtown ye una historica localidat menera situada en a rechión d'Otago en a Isla Sud de Nueva Zelanda. Arrowtown se troba a cantos d'o río Arrow y alto u baixo a 7.5 km de l'autovia estatal 6. Bi ha tamién acceso por carretera dreitament dende Queenstown a traviés d'as gorgas d'o río Shotover y por una tercera rota a-saber-lo polida en pasando por o laco Hayes.

A localidat teneba una población de menos de 200 personas en os anyos 1960 antis de que tornase a popularizar-se. D'alcuerdo con o censo de Nueva Zelanda de l'anyo 2006, a población fixa resident en Arrowtown yera de 2.151, un 27,1% mas que en l'anyo 2001. A localidat ha teniu un considerable creiximiento y augmento d'a construcción, encara que siempre baixo uns estrictos regles imposaus por as autoridaz ta mantener l'apariencia d'o lugar. Bi ha muitos edificios bien conservaus emplegaus en o pasau por inmigrants europeus y chineses mientres os anyos d'a fiebre de l'oro en iste lugar. Arrowtown ye a seu d'o Museu d'o Districto d'os Lacos y a botiga Ah Lum que fa parti d'o historico asentamiento chinés d'Arrowtown.

Amán d'o lugar se troba o campo de golf "Sir Michael Hill" en que se celebra l'Ubierto de Golf de Nueva Zelanda. Istas instalacions son privadas y d'uso ta os miembros d'o club, encara que se permite tamién l'acceso a chugadors con green fee si se solicita previament. O club tien tamién un spa que ye ubierto a o publico en cheneral.

No guaire luent se troba tamién o resort de luxo de Millbrook, que tien un spa y un campo de golf de 27 foraus. Estió o puesto a on que se sinyó l'alcuerdo d'o Millbrook Commonwealth Action Programme, un programa d'a Mancomunidat de Nacions ta a implementación d'a declaración de Harare.

Historia

Mientres os millors anyos d'a fiebre de l'oro a población d'Arrowtown plego a estar de mas de 7.000 habitants, estando centro d'un gran municipio, en que s'establioron os nuevos Lugars de Macetown, Skippers Canyon y Bullendale (actualment toz éls deshabitaus). Arrowtown se constituyó como municipio en 1867 y dentró a fer parti d'o districto de Queenstown-Lacos en a reorganización municipal de 1989.

Personas importants

• Ebenezer Sandford (1848–1897), politico

Vinclos externos

• Se veigan as imáchens de Commons sobre Arrowtown.
• (en) Arrowtown
• (en) Arrowtown Village

• Datos: Q703016
• Multimedia: Arrowtown / Q703016