Aquario fluvial de Zaragoza

De Biquipedia
Ir a la navegación Ir a la búsqueda
Acuario fluvial de Zaragoza
Acuario fluvial de Zaragoza.jpg
Aquario de Zaragoza
Situación
País Flag of Aragon.svg Aragón
Ciudat Zaragoza
Información cheneral
Debantadera 2008
Zarrau
Superficie 0,8 ha
Animals 5.500
Especies 350
Pachina web http://www.acuariodezaragoza.com

L'aquario fluvial de Zaragoza estió un dos pavillons tematicos d'a Expo 2008, seu d'a exposición Paisaches de l'augua. Tien una capacidat de bells dos millons de litros d'augua y aculle bellas 350 especies.[1] O suyo arquitecto estió Álvaro Planchuelo.

Ye o mayor aquario fluvial d'Europa con una dimensión de 8.000 metros construyíus d'os que 3.400 corresponden a la superficie expositiva. En o recinto se pueden veyer os ecosistemas de cinco grans compleganzas:[2]

En o centro d'o pavillón se troba o Río d'o Mundo, que representa a o pasau, Panchea, con una mezcla de diferents especies fluvials. O tanque central tien 9 metros de fondura, mas de 47 metros de largaria y mas de 8 metros de amplaria lo que lo convierte en o mayor aquario d'augua dulza d'o mundo.

Debíu a o suyo gran exito mientres a Expo 2008 se decidió que quan ista rematara o 14 de setiembre de 2008 l'aquario continaría ubierto indefinidament. O numero de vesitants ha iu puyando continament, pasando d'as 40.000 personas en l'año 2012 a las quasi 100.000 que lo vesitoron en 2018[3]

L'aquario completa a suya ufierta expositiva con a celebración d'eventos como comunions, cabos d'anyo y atros aintro d'o recinto privaus, asinas como baptizos de buceo y inmersiones guidadas en o tanque central. Actualment as actividatz de buceo recreativo en l'aquario de Zaragoza son gestionadas por la empresa Arasub[4], clasificau como PADI 5Star IDC.

Antimás, organiza colonias infantils mientres o periodo vacacional de verano. L'aquario recibe a vesita de bells 15.000 estudiants a o largo de l'anyo.

Galería[editar | editar código]

Datos d'intrés[editar | editar código]

  • Localización: Avda. José Atarés, s/n (recinto Expo) 50018, Zaragoza
  • Tarifas:
    • Dentrada cheneral adulto: 16€
    • Dentrada general nino (5-12 anyos): 8€
    • Dentrada nino (3 y 4 anyos): 4€
    • Dentrada mayor de 65 anyos: 10€[5]

Referencias[editar | editar código]

Vinclos externos[editar | editar código]