Apellito López

De Biquipedia
Ir a la navegación Ir a la búsqueda
López
Flag of Spain.svg Apellito común de tota Espanya
Lingüistica
Luenga orichinal: Grupo Ibero-romance
Campo semantico: Apellito patronimico
Etimolochía: Antroponimia latina
Dimana de: Lope <LUPUS
Significa: "Fillo de Lope"
Portadors
Totals en Espanya: 879.868 en 2011 (INE)
Totals en Aragón: 17.394 en 2011 (INE)

L'apellito López ye un apellito patronimico propio d'as luengas ibero-romances occidentals, común en Aragón y en toda Espanya.

Fa parte d'a familia d'os apellius patronimicos ibero-romances que rematan con a desinencia -ez, muitos d'os quals se cuentan d'entre os que tienen mas portadors en o Estau Espanyol.

Como apelliu patronimico ibero-romance, o suyo significau ye, literalment, "fillo de Lope/Lop". Lope u Lop ye un antroponimo masculín, evolución en os romances derivaus de o latín hispanico d'o nombre propio romano <LUPUS, que yera mas freqüent en as etapas meyevals y modernas de as ditas romances que en l'actualidat.

Oríchens[editar | editar código]

Probablement, tiene numerosas oríchens cheograficas en tot l'amplo d'a Peninsula Iberica, en aquells territorios a on que una luenga ibero-romance (castellano, gallego, portugués, aragonés u asturleyonés) i haiga estau a luenga predominant.

As oríchens tant diferents han dau quantiosos linaches, no necesariament emparentaus d'entre si, que habrían amaneixiu aleatoriament a lo largo d'un periodo cronolochico muit amplo, que s'extendillaría d'entre a Edat Meya y a Edat Moderna, en o reino de Portugal, os reinos d'a Corona de Castiella y os territorios aragoneso- y castellanoparlants de a Corona d'Aragón.

O suyo apelliu homologo en catalán ye Llopis, y en os territorios de luenga portuguesa coexiste con Lopes, que ye mas freqüent.

Freqüencia[editar | editar código]

Estatisticament, López yera o cinqueno apelliu mas común d'Espanya (dimpués de Fernández y d'antes que Martínez) en l'anyo 2011.[1] En Aragón y como puesto de residencia, ye o segundo apelliu mas freqüent en a provincia de Uesca,[1] o quatreno en a provincia de Zaragoza[1] y o seiseno en a provincia de Teruel.[1]

Tamién ye o primer apelliu mas freqüent d'entre os naixius d'a provincia de Uesca,[1] o quatreno d'os naixius de Zaragoza[1] y o cinqueno d'os naixius en Teruel.[1]

Se veiga tamién[editar | editar código]

Referencias[editar | editar código]