Antonio Aramburo
| Antonio Aramburo | |
|---|---|
| |
| Información personal | |
| Calendata de naixencia | 17 de chinero de 1840 |
| Puesto de naixencia |  Erla (Cinco Villas, Provincia de Zaragoza)
|
| Calendata de muerte | 16 de setiembre de 1912 |
| Puesto de muerte |  Montevideo (Uruguai)
|
| Ocupación | Tenor |
| Conchuche | Ada Adini[1] |
Antonio Aramburo, naixiu d'Erla (Cinco Villas, Provincia de Zaragoza) o 17 de chinero de 1840 y muerto en Montevideo (Uruguai) o 16 de setiembre de 1912, estió un tenor aragonés. Os musicologos afirman que a suya tecnica musical yera superior a la d'os consideraus grandes astros d'a Opera, como Julián Gayarre, Angelo Massini, Enrico Tamberlick u Francesco Tamagno, y en Espanya fació ombra dencluso a o mitico Julián Gayarre.[2][3]
Estudeyó en Madrit con o mayestro Antonio Cordero, y fació o suyo debut en Florencia en 1872. Treballó dimpués en Buenos Aires y Montevideo, y tamién en as prencipals ciudatz con teatros liricos, como L'Habana[4] u Moscú.[1]
Teneba un caracter recio; asinas, mientres una actuación suya en o Teatro d'a Scala de Milán, albandonó o scenario ta tornar a o suyo palacio, preparar-se'n un plato de migas, poner-se'n un cachirulo y cantar hotas.[2][5]
Morió en a pobreza en a ciudat de Montevideo, a capital d'Uruguai, o 16 de setiembre de 1912.[2]
Homenaches[editar | modificar o codigo]
Apareix citau en una obra de James Joyce.[2]
En 1986, Hernán Luis Vigo Suárez presentó a comunicación El tenor español Antonio Aramburo (1839-1912): un estudio comparativo de tipologías vocales en as Jornadas Argentinas de Musicología y Conferencia Anual de la Asociación Argentina de Musicología.[6]
O 17 de chinero de 2003, s'erichió en a suya memoria un busto d'o tenor, obra d'o escultor aragonés Miguel Cabré, en a suya localidat natal.[2]
Bibliografía[editar | modificar o codigo]
- García de la Puerta López, Vicente: Pasajes de la vida del Tenor Aramburo. Centro de Estudios de las Cinco Villas – Institución Fernando el Católico. Exeya d'os Caballers, 1998.
Vinclos externos[editar | modificar o codigo]
Se veigan as imachens de Commons sobre Antonio Aramburo.- (es) Biografía d'Antonio Aramburo en a Gran Enciclopedia Aragonesa.
- (en) Datos y imachen d'Antonio Aramburo.
Referencias[editar | modificar o codigo]
- ↑ 1,0 1,1 (es) Biografía d'Antonio Aramburo en a Gran Enciclopedia Aragonesa.
- ↑ 2,0 2,1 2,2 2,3 2,4 (es) Biografía d'o tenor.
- ↑ (es) Asociación de Amigos de la Música de la Biblioteca de Aragón.
- ↑ (es) Efemerides d'a Lirica en Cuba.
- ↑ (es) [http://www.elperiodicodearagon.com/noticias/noticia.asp?pkid=157829 Articlo en El Periódico de Aragón.
- ↑ (es) Música clásica en Argentina.