James Joyce
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| James Joyce | |
|---|---|
 James Joyce en 1918. | |
| Información personal | |
| Calendata de naixencia | 2 de febrero de 1882 |
| Puesto de naixencia |  Dublín (Irlanda)
|
| Calendata de muerte | 13 de chinero de 1941 |
| Puesto de muerte |  Zúrich (Cantón de Zúrich, Suiza)
|
| Ocupación | Escritor, novelista, poeta y dramaturgo |
| Obras | Ulysses. Dubliners. Portrait of the Artist as a Young Man. Finnegans Wake. |
| Pachina web | www.JamesJoyce.ie |
James Augustine Aloysius Joyce, naixito de Dublín (Irlanda) o 2 de febrero de 1882 y muerto en Zúrich (Cantón de Zúrich, Suiza) o 13 de chinero de 1941, estió un escritor, novelista, poeta y dramaturgo irlandés en luenga anglesa, que ye considerato unos d'os prencipals autors d'a Literatura universal d'o sieglo XX. Encara que a mayor parte d'a suya vida la fació fuera d'Irlanda, ye considerato como un escritor que charra en as suyas obras sobre a ciudat de Dublín, a on heba naixito, y asinas ye o escritor irlandés más cosmopolita por a suya residencia pero tamién o escritor irlandés más localista por a suya obra localizata a sobén en Dublín. As suyas obras mas conoixitas son Dubliners (una serie de relatos curtos sobre os habitants de Dublín publicata en 1914), A Portrait of the Artist as a Young Man (una novela publicata en 1916), Ulysses (una atra novela, ista publicata en 1922) y Finnegans Wake (una tercera novela, publicata en 1939 quan ya yera amanata a suya muerte).
James Joyce ye considerato un destacato representant d'o Modernismo en a Literatura (literatura modernista), uno d'os prencipals representants d'a dita literatura modernista anglosaxona, chunto con d'atros escritors como T. S. Eliot, Samuel Beckett, Ezra Pound u Wallace Stevens. Os elementos que cal destacar en a suya obra literaria son o machistral dominio d'o luengache escrito, amás de l'emplego de nuevas formas literarias, asociatas a la creyación de personaches (como o personache de Molly Bloom en a novela Ulysses) que poseyen una individualidat d'una funda humanitat. Antiparte, Joyce, que yera catolico, fa patent en as suyas obras a suya relación difícil y complexa con a Ilesia Catolica d'Irlanda.
Obras[editar | modificar o codigo]
Publicatas mientres a suya vida[editar | modificar o codigo]
- 1907: Chamber Music (poemas).
- 1914: Dubliners (relatos curtos).
- 1916: A Portrait of the Artist as a Young Man (novela).
- 1918: Exiles (drama).
- 1922: Ulysses (novela).
- 1927: Pomes Penyeach (poemas).
- 1936: Collected Poems (poemas).
- 1939: Finnegans Wake (novela).
Publicacions postumas[editar | modificar o codigo]
- 1944: Stephen Hero (precursor d'A Portrait; escrito en 1904–06).
- 1968: Giacomo Joyce (escrito en 1907).
- 1957: Letters of James Joyce Vol. 1.
- 1959: The Critical Writings of James Joyce.
- 1966: Letters of James Joyce Vol. 2.
- 1966: Letters of James Joyce Vol. 3.
Vinclos externos[editar | modificar o codigo]
Se veigan as imáchens de Commons sobre James Joyce.- Pachina web oficial sobre James Joyce.
