Antigos macedonyos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre os macedonyos, antigos habitants d'o Reino de Macedonya. Pa l'actual pueblo eslau de Macedonya veiga macedonyos

Expansión de l'antigo Reino de Macedonya.

Os macedonyos yeran os antigos habitants d'as riberas d'o Haliacmon y o baixo Axius, en o nord-este d'a Peninsula Griega. Creyoron o Reino de Macedonya, que con Filipo II prenió importancia por a suya politica expansiva. A filicación lingüistica d'os antigos macedonyos ye polemica y no ye seguro si yeran un pueblo indoeuropeu paleobalcanico u un pueblo griego arcaico de situación marguinal. En tot caso dende o sieglo IV s'helenizoron y facioron part d'os griegos. Muitos macedonyos emigroron territorios de l'antigo Imperio Persa Aquemenida con as campanyas militars d'Aleixandre lo Gran y bi permaneixioron a la suya muerte como colonos u como clase dirichent d'os estatos helenisticos.

Mencions en fuents aragonesas

En a traducción aragonesa de "Breviarum ab urbe condita" los mencionan como macedonios pero dos vegatas califican a Aleixandre lo Gran de macedón:

et cayeron piedras delas nuues /. et como en aquel tiempo alexandre el grant nacio. et como fue fecha batalla contra los latinos et como fueron ue(n)cidos. et como en aquel anyo alexandre fue edificado por alexandre macedon. Dela batalla la qual los romanos fizieron co(n)tra lo samnitas

et .xx. Mil ne fuero(n) vencidos en la batalla et fue triumphado de aq(ue)stos la ora los consules pasaro(n) las statuas en los rostros por meritos de victoria et en aquel anyo allexandria fue edificada por allexandre macedon

vino en poder de paulo emilio consul el qual le fizo honor no asi como aue(n)cido car quisiese cay[er] a los suyos piedes no lo consentio antes lo fizo asentar cerca el et aquestas leys fueron dadas por los Romanos alos macedonios et a los iliricos que fuesen francos et que pagasen la meytat del tributo que dauan alos Reyes por tal que peresciese quel pueblo Romano mas batalla ua por egualdat equitat que por auaricia asi que en conuent de Jnfinidos pueblos

En o "Libro d'as Marabillas d'o Mundo" los mencionan como machedones:

Aqueilla t(ier)ra de Jh(e)r(usa)l(e)m ha estado enlas manos de todas las diuerssas nat(i)ones & amenudo ha ouido la t(ier)ra a sofrir por la p(ar)tida del pueblo qui y moraua Car aqueilla t(ier)ra ha estado enlas manos de todas nat(i)ones Como de Judios / de Cananeos / de sirianos De p(er)sanos / De medianos / delos machedones delos g(r)iegos [fol. 15r] delos Romanos delos xp(ist)ia(n)os delos moros delos barghans delos turq(u)os & delos tartaros Car dios no(n) sufre pas luenga ment Regnar gentes malas ni traidores ni gentes peccadoras en aqueilla santa t(ier)ra sean xp(ist)ianos sean otras gent(es)

En o "Libro de los Emperadors" macedones ye aplicato con o sentito de "griegos de Macedonya".