400 metros lisos en os Chuegos Olimpicos d'Atenas 1896

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Thomas Burke ganador d'os 400 metros lisos en una imachen de 1918

Os 400 metros lisos estió una cursa que estió parte d'o programa de l'Atletismo en os Chuegos Olimpicos de 1896. Ista cursa consiste en fer una distancia de 400 metros, libres d'obstaclos, o mes rapido posible. Se fació en Atenas en o Estadio Panathinaiko y estió a zaguera competición que se levó a cabo o primer día d'os Chuegos, quan empecipiaba a anochecer y a temperatura baixaba, per lo que l'interés d'o publico en istas cursas estió menor que en os eventos que le precedioron.

La gran ausencia en esta preba estió lo britanico Edgar Bredin, poseyedor d'a millor marca mundial chunto a burke, pero decidió pasar-se a lo profesionalismo per lo que no podió participar en os Chuegos seguntes las normas que i heba alavez, que no lo permitiban. Antiparte d'os quals se tiene constancia que participoron i habió atros atletas que se sabe que yeran inscritos pero que finalment no se sabe si compitioron, yeran inscritos: o chileno Luis Subercaseaux, o griego Konstantinos Mouratis, os hongaros Leonidasz Manno y Nándor Dáni, l'alemán Fritz Traun, l'australiano Teddy Flack, o francés Georges de la Nézière y os britanicos Launceston Elliot, Grantley Goulding y George Marshall.

Formato de competición

O sistema ta disputar a preba fue de dividir os atletas en dos grupos que compitioron o 6 d'abril, os dos primers clasificaus de cada grupo pasoron a la final que se celebró, o 7 d'abril, o segundo día d'as competicions d'Atletismo. No i habió deseparación per carreras d'os atletas y totz corrioron per la parte mas interior d'a pista que les fue posible, tenioron que fer un poquet mas d'una volta perque a pista feba 330 metros de cuerda.

Medallero

Posición	Atleta	País
1	Tom Burke	Estaus Unius
2	Herbert Jamison	Estaus Unius
3	Charles Gmelin	Reino Uniu

Eliminatorias

• Q = Qualificación per posición (Qualified).
• DNS = No empecipió a cursa (Did Not Start).
• OR = Récord olimpico (Olympic Record).

Las eliminatorias se celebroron lo 6 d'abril. La cursa estió de poco mas d'una volta de longaria y sin de carriles pa deseparar a los corredors. I habió dos series con siet corredors en total.

1ª Eliminatoria

Herbert Jamison d'Estaus Unius s'imposó en a primera eliminatoria con un tiempo de 56,8 segundos, establindo o primer récord olimpico d'a preba en estar a primera cursa que se feba. Fritz Hoffmann d'Alemanya plegó segundo, tamién tamién compitioron Kurt Dörry d'Alemanya y Alphonse Grisel de Francia estando tercero y quarto respectivament, pero os suyos tiempos y as suyas posicions no quedoron clarament rechistradas, nomás se sabe de certeza que no aconsiguioron abanzar ta la final.

Hoffmann y Grisel habioron de correr 402 metros a causa que estioron penalizados per fer una surtida nula.

Posición	Atleta	País	Tiempo
1	Herbert Jamison	Estaus Unius	56,8 s. Q OR
2	Fritz Hoffmann	Alemanya	58,6 s. Q
3-4	Kurt Dörry	Alemanya	Desconoixiu
	Alphonse Grisel	Francia	Desconoixiu

2ª Eliminatoria

Tom Burke ganó la segunda eliminatoria poco dimpués d'haber corriu ixe mesmo día os 100 metros lisos. Charres Gmelin estió segundo a 15 yardas, y lo francés Frantz Reichel, a 12 yardas d'o segundo puesto, os suyos tiempos no estioron rechistraus pero se'n fa una estimación por a distancia d'avantalla que si queda conoixencia.

Posición	Atleta	País	Tiempo
1	Tom Burke	Estaus Unius	58.4 s. Q
2	Charles Gmelin	Reino Uniu	1:00.5 (tiempo estimau) Q
3	Frantz Reichel	Francia	1:02.3 (tiempo estimau)

Final

Burke venció en a preba per 8 yardas d'avatalla a o suyo compatriota Jamison, sacando-le amás o récord olimpico que heba aconseguiu en a primera eliminatoria, y o britanico Gmelin obtenió lo tercer puesto per un piet de distancia con l'alemán Hoffmann. Qualques fuents citan a Hoffmann como tercer clasificau pero o Comité Olimpico Internacional reconoixe a Gmelin como tercer y medallista de bronze olimpico.

Posición	Atleta	País	Tiempo
1	Tom Burke	Estaus Unius	54,2 s. OR
2	Herbert Jamison	Estaus Unius	55,2 s.
3	Charles Gmelin	Reino Uniu	(56.7) (tiempo estimau)
4	Fritz Hoffmann	Alemania	(56.7) (tiempo estimau)

Vinclos externos

• (en) Resultaus con comentarios d'os 400 metros lisos en os Chuegos Olimpicos d'Atenas 1896.