Albany (Nueva York)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre una ciudat estausunidense capital d'o estau de Nueva York. Ta atros usos, se veiga Albany.
Albany
Localidat d'Estaus Unius
Bandera Escudo d'armas
O Capitolio d'Albany
O Capitolio d'Albany.
País
 • Estau
 • Condau
 Estaus Unius
Nueva York (capital)
Albany (capital)
Superficie 56,6 km²
Población
 • Total
 • Densidat

100104 hab. (2015)
1.704,24 hab/km²
Altaria
 • Meyana

115 m.
Coordenadas
Albany ubicada en Nueva York
Albany
Albany
Albany en Nueva York
Albany ubicada en Estaus Unius
Albany
Albany
Albany en Estaus Unius
Web oficial

Albany ye una ciudat estausunidense, capital d'o estau de Nueva York y d'o suyo condau, o condau d'Albany.[1]

A suya población ye de 95.993 habitants (2007) en una superficie de 56,6 km², con una densidat de población de 1.695,99 hab/km². Sindembargo, ye muit vinclata con as localidaz mugants de Troy y Schenectady, con as cualas forma un conchunto, dito Capital District; ista aglomeración urbana tien arredol de 850.000 habitants.

Albany, establita en 1614, ye a segunda ciudat mas antiga establita por os europeus en o territorio d'as ditas Trece colonias, estando establita por os neerlandeses.

Cheografía[editar | modificar o codigo]

A localidat d'Albany ye situata a una distancia de 219 km a o norte d'a ciudat de Nueva York,[2] que ye a ciudat con mayor numero d'habitants d'o estau d'o mesmo nombre. Ye a man d'a confluyencia entre o río Mohawk y o río Hudson.

Historia[editar | modificar o codigo]

A ciudat d'Albany estió a segunda localidat establita por os europeus en o territorio d'as ditas Treze colonias britanicas, dezaga de Jamestown (en Virchinia). Fue establita a prencipios d'o sieglo XVII, concretament en 1614, como una factoría comercial por o explorador Henry Hudson cuan feba exploracions en iste territorio dende 1609 por cuenta d'a Companyía Neerlandesa d'as Indias Occidentals en o suyo barco Halve Maen. Sindembargo, ya dende arredol de 1540 os primers europeus plegoron a o territorio, estando sindembargo colons franceses que treballaban como trampers ta arreplegar piels d'animals en a comarca, y que establioron un fuerte en Castle Island, tamién en l'actual estau de Nueva York, encara que iste fuerte fue luego albandonato.

Dende ixa calendata o territorio fació parte d'a colonia neerlandesa d'os Nuevos Países Baixos, que en 1624 establioron muit amanata, en Fort Orange (en a honor d'os prencipes d'Orange), a suya primera fortificación militar en a colonia, establindo dimpués a ciudat de Beverwijck en 1652. Cuan en 1664 Anglaterra conquerió a comarca, Beverwijck cambeó o suyo nombre ta l'actual Albany, en a honor d'o duque de York y Albany, que luego se convertió en rei con o nombre de Chaime II d'Anglaterra.

Dende 1797 ye a capital d'o estau de Nueva York, en cuentas d'a ciudat de Kingston, que yera a capital dica ixas envueltas.

Localidaz achirmanatas[editar | modificar o codigo]

Anvista d'Albany.

Vinclos externos[editar | modificar o codigo]

Referencias[editar | modificar o codigo]