Abd al-Malik ben Hudhayl
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Abd al-Malik ben Hudhayl | |
|---|---|
| Rei d'a Taifa d'Albarracín | |
| 1044/1045 - 1103 | |
| Predecesor | Hudhayl ben Khalaf ben Razín |
| Succesor | Yahya ben Abd al-Malik |
| Atros títols | |
| Husam ad-Dawla y Yabr ad-Dawla | |
| Muerte | 18 de mayo de 1103 |
| Dinastía | Razín |
| Pai | Hudhayl ben Khalaf ben Razín |
Abd al-Malik ben Hudhayl (? - 18 de mayo de 1103), miembro d'a familia Banu Razín, estió o segundo sobirán d'a Taifa d'Albarracín, dende l'anyo 1044 u 1045 dica a suya muerte.
Fillo de Hudhayl ben Khalaf ben Razín, le succedió a la suya muerte, con o títol de Husam ad-Dawla (en arabe Sable d'a dinastía) y mas tardi Yabr ad-Dawla (en arabe Argüello d'a dinastía).
As fuents lo describen con una personalidat diferent de raso d'a de su pai, encara que as opinions d'os cronistas son contradictorias. D'una man ye tractau de fato y malvau, por beluns, y d'atra de buen poeta, cheneroso y amant d'a lei. De cualsiquier manera o momento historico que vivió no yera guaire pareixiu a o viviu por su pai, ya que en pocos anyos l'actitut d'os reis cristianos d'o norte se tornó muito mas agresiva. A respuesta d'Abd-al-Malik estió la de l'adulación temerosa en bels intes y l'alianza con os suyos correlichionarios en atros.
En 1085 Alifonso VI de Castiella prene a Taifa de Tulaytula. Os reis de cuantas taifas, entre éls Abd-al-Malik, s'aprestoron a felicitar-lo y fer-le ricos presents. Dende iste momento bosará paria a Castiella.
En 1089 o Cit trescruza o suyo reino camín de Balansiya. Acampó en o territorio d'Abd-al-Malik, en Calamocha. Ta privar-se d'os suyos ataques, Abd-al-Malik habió d'acceptar o pago d'asaber-los tributos.
En noviembre de 1092, Abu Issa Lubbun ibn Lubbun, visir de Yahya al-Qadir, se reveló en Murviedro en desalcuerdo con a suya politica d'alcuerdos con os cristianos y cedió a suya ciudat a Abd-al-Malik a cambeo d'una pensió y o dreito de vivir en Albarracín.[1] Abd-al-Malik, ta no molestar a o Cid le prestó vasallache ascape. O Cid podió avituallar as suyas tropas en os lugars y castiellos d'Albarracín mientres respectaba os dominios d'Abd-al-Malik.
Dimpués, manimenos, Abd-al-Malik se negó a bosar o tributo alcordau a o Cid, y en una calendata anterior a agosto de 1093 demandó a Pero I d'Aragón aduya ta prener Balansiya, a cambeo d'una gran cantidat de diners y bella plaza. Pero le'n dició a o Cit y iste prencipió una operación de castigo contra la taifa que duró bels meses, en la que o Cit resultó feriu en o cuello. Abd-al-Malik habió de tornar a pagar vasallache y ye posible que mesmo aduyase a o Cit en a presa de Balansiya, pero dimpués, en 1094, con o Cit ya instalau en Balansiya, Abd-al-Malik s'alió con os almurabitz, y con éls marchó a soscorrer ista ciudat. Participó, mientres l'agüerro d'o mesmo anyo, en a batalla de Cuart de Poblet que estió una completa victoria d'o Cid.
En chunio de 1098, o Cid ocupó Murviedro, pero morió un anyo dimpués.
Os almurabitz fuoron ocupando, una dezaga d'atra, todas as taifas. En iste contexto, muere Abd-al-Malik o 18 de mayo de 1103. Le succedió o suyo fillo Yahya ben Abd al-Malik.
Referencias
[editar | modificar o codigo]- ↑ (es) Al-Andalus Frente a la Conquista Cristiana: Los Musulmanes de Valencia, Siglos XI-XIII. Pierre Guichard, Universitat de València, 2001, p.443. ISBN 8470308521
| Predecesor: Hudhayl ben Khalaf ben Razín |
Abd al-Malik ben Hudhayl Rei taifa d'Albarracín 1044/1045 - 1103 |
Succesor: Yahya ben Abd al-Malik |
| Control d'autoridaz |
|
|---|
Datos: Q11903747