Plaza d'o Pilar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Plaza d'o Pilar
Ciudat	Zaragoza
Districto	Casco antigo
Forma d'a plaza	Rectangulo

A Plaza d'o Pilar (u tamién clamada "Plaza d'as Seus", en castellano "Plaza de las catedrales") ye un d'os centros populars mas concorrius en Zaragoza.

En ista plaza se troban a Basilica de Nuestra Sinyora d'o Pilar, a Loncha, a Casa d'a Ciudat de Zaragoza, a Seu d'o Salvador y lo Molimento a Goya.

Historia

L'actual plaza d'o Pilar ye la suma de cuantos espacios: l'antiga plaza d'o Pilar, la plaza d'a Seu, la plaza d'a Deputación y un barrio mozarabe que s'extendeba entre ellas.

L'antiga plaza yera en o sieglo XIII l'espacio an se trobaba o fosal d'a ilesia de Santa María la Mayor. Astí se reuniba lo concello antis d'a construcción d'a suya seu en as Casas del Puent.

En 1862 estió esviellada pa incluyir arbols (prencipalment garroferas), fuents, cadieras y quioscos.

Espaldamientos de 1939

Con o establimiento d'a Dictadura de Franco dimpués d'a Guerra Civil Espanyola s'empondera a la Virchen d'o Pilar como simbolo faixista y per ixo s'ameneste d'un gran espacio pa grans concentracions en refirme d'o rechimen. Asinas en 1939 naixe lo Plan de Reforma Interior de Regino Borobio y José Beltran y con él se procede a lo espaldo de tot lo barrio mozarabe que se trobaba entre las plazas d'o Pilar y d'a Seu.

Se procedió a lo espaldo de 221 edificios, entre atros os siguients:

• Palacio d'o marqués d'Ayerbe
• Colechio de Sant Nicolau de Tolentino
• Palacio d'Aytona
• Mesón del Rincón
• Mesón de Medio
• Mesón de Huesca
• Mesón del Candil
• Puerta del fin
• Arco de los Cartujos
• Casa Daina
• Edificio d'a clinica d'o Doctor Palomar
• Posada d'os reis

Desapareixioron entre atras as siguients carreras y plazas:

• Plaza de Uesca
• carrera d'a Muela
• Plaza d'a Muela
• carrera Flores
• carrera Danzas
• carrera d'o Pilar
• carrera Bayeu
• carrera Latasa
• carrera Forment
• carrera del fin
• carrera Goicoechea

Reforma de 1990

Una nueva reforma entre 1989 y 1991 per José Manuel Pérez Latorre y Ricardo Usón. S'excavan un parking subterranio. Amaneixen os fundamentos d'un enorme templo romano que estió destruyiu seguntes ye reflexau en un informe de l'arqueologo José Delgado.