Ir al contenido

Dolores Serrat Moré

De Biquipedia
Dolores Serrat Moré
Dolores Serrat Moré

16 de chulio de 2011 – 6 de chulio de 2015
President Luisa Fernanda Rudi
Precediu por María Victoria Broto
(Educación, Cultura y Esporte)
Succediu por María Teresa Pérez Esteban
(Educación, Cultura y Esporte)
21 de chunio de 2011 – 19 de chunio de 2019
16 de chunio de 2007 – 11 de chunio de 2011
Naiximiento 3 d'aviento de 1955
Ripoll (Catalunya)
Partiu Partido Popular de Aragón
Profesión Politica y medica
Alma Máter Universidat de Zaragoza

María Dolores Serrat Moré (Ripoll, Catalunya, 3 d'aviento de 1955) ye una profesora, medica forense, perita medica chudicial y politica catalana, miembro d'o Partido Popular de Aragón. Doctora en medicina por a Universidat de Zaragoza.

Biografía

Dolores Serrat naixió de Ripoll, provincia de Chirona, o 3 d'aviento de 1955.[1][2][3][4][5] En 1973 Dolores Serrat prencipió os suyos estudios de medicina en a Universidat de Zaragoza en o campus de Uesca y los remató en 1979 en o de Zaragoza. Ye doctora en medicina, especialista en psiquiatría y en medicina legal y forense. En 2002 prencipió os suyos estudios de dreito en a facultat de dreito d'a universidat de Zaragoza y se licenció en 2007.

Ye casada y tien tres fillos.

Ambito profesional

Dolores Serrat ha desarrollau toda a suya actividat universitaria y profesional[6] en Aragón. En 1983 prencipió como profesora interina de medicina legal y toxicolochía d'a facultat de medicina d'a Universidat de Zaragoza, y dende 1986 como profesora permanent. Obtenió plaza de medico forense por oposición, con destino en Chaca, a on estió entre 1985 y 1986.

En l'ambito d'as responsabilidaz universitarias ha ocupau os cargos de secretaria (1992-1994), vicedegana d'ordenación academica (1994-1997) y degana (1997-2003) d'a facultad de medicina d'a Universidat de Zaragoza.[7] Ha estau presidenta d'a Conferencia Nacional de Degans de Medicina (2002-2003).[8] Ha estau vocal d'a Comisión Central de Deontolochía y Visau Medico d'a Organización Medica Colechial (2002-2007), y vicepresidenta d'a Comisión Deontolochica d'o Colechio Oficial de Medicos de Zaragoza (1997-2007).[9][10]

Ambito politico

Miembro d'o Partido Popular de Aragón dende 2003, ha ocupau a Vicesecretaría d'Estudios y Programas.[11] En 2008, dimpués d'a celebración d'o XIV Congreso Rechional d'o Partido Popular de Aragón, o PP sustituyó a Domingo Buesa en o cargo de portavoz d'o grupo municipal d'o PP en o Concello de Zaragoza, puesto que pasó a ocupar Dolores Serrat,[12] y en o que más tardi la succedió Eloy Suárez.[13]

Un día dimpués de que Luisa Fernanda Rudi prenese posesión como presidenta d'o Gobierno de Aragón, o 14 de chunio de 2011, dio a conoixer qui serían os suyos consellers en o nuevo Gubierno. Dolores Serrat[14] estió a unica muller d'os nueu miembros que formaban o executivo compuesto por o Partido Popular de Aragón, en coalición con o PAR. Mientres ixa lechislatura ocupó o cargo de Consellera d'Educación, Universidat, Cultura y Esporte[15][16] d'o Gubierno d'Aragón.[17]

Lei de Luengas d'Aragón

Dolores Serrat se veyió embrecada mientres o suyo cargo como consellera d'Educación, Universidat, Cultura y Esporte en a polemica sobre a denominación d'o catalán en Aragón como luenga aragonesa propia de l'aria oriental, conoixida con l'acronimo «lapao», con l'aprebación d'a Lei de Luengas d'Aragón de l'anyo 2013[18][19][20][5][21][4] y a reforma d'o sistema educativo con a nueva lei LOMCE.[22][23]

Pa muitos medios de prensa espanyols, Dolores Serrat Moré ye a creyadora u una d'as mayors impulsoras d'ista lei,[5][24] si bien o suyo papel no ye guaire claro, pues l'unico seguro ye que ella estió qui presentó o prochecto en as Corz d'Aragón.[25] Un atra d'as controversias ye o nombre de dita lei, ya que ella mesma lo achaquió a la oposición que, seguntes ella, «creyó uns acronimos ficticios».[26][27][28]

Criticas a o suyo treballo político

En l'ambito politico ha estau criticada por a privatización y infradotación d'a educación publica, por lo que cuantas personas facioron protestas pacificas en o edificio d'o suyo domicilio.[29] Amás, dende as asociaciones de vecins como la d'Arcosur, se criticó que no fese un colechio en o centro d'o suyo barrio a on todas as personas lo demandaban y que amás contaba con una financiación privada y gratuita pa o Gubierno d'Aragón de cuantos millons d'euros. En cuentas d'ixo, decidió construyir o colechio en un cabo aleixau d'o barrio a on no daba servicio efectivo y que costó a las arcas publicas muito mas diners. Nunca no fació declaracions publicas sobre iste tema y se desconoixen os motivos de que trigase ixa ubicación. Por ello, dende a-saber-as asociacions le'n criticó ya que en un cargo publico no esfendeba as competencias propias d'a educación ni de prener decisions que estasen menos costosas pa as arcas publicas. También se criticoron as suyas acusacions falsas contra os colectivos que esfendioron a educación publica.[30]

Asinas mesmo, le'n ha criticau emplegar o suyo puesto de treballo para favoreixer profesionalment a la suya familia. En concreto un d'os suyos fillos fue eslechiu como "asesor" por o consellero d'Economía d'o Gubierno d'Aragón, tamién d'o Partido Popular. O suyo nombramiento fue publicau en o Boletín Oficial d'Aragón, y en destapar-se a relación familiar lo destituyoron como asesor.[31] Igualment, tamién fue criticada porque dimpués de refirmar a Universidat Sant Chorche pa que implantase Dreito como títol, o fillo de Dolores Serrat remató impartindo clases en dito centro, cuan no teneba ni o perfil academico ni experiencia universitaria previa. Ye por ello que se especuló con que Dolores Serrat heba emplegau o suyo puesto pa promocionar-se instrumentalizando as institucions dende o suyo cargo publico.[32]

Referencias

  1. ↑ (es) Dña. Dolores Serrat Moré. Gobierno de Aragón
  2. ↑ (es) María Dolores Serrat Moré - Consejera de Educación, Universidad, Cultura y Deporte. Aragonuniversidad.es, 2ª quincena de setiembre de 2011
  3. ↑ (es) María Dolores Serrat. El Blog de la Avenida Cataluña
  4. ↑ 4,0 4,1 (ca) M. Dolores Serrat: de néixer i viure a Ripoll a inventar-se l'«aragonès oriental». ElRipollès.info, 19 de chunio de 2012
  5. ↑ 5,0 5,1 5,2 (es) Los cambios de 'la Dolors'. Ferran Cosculluela. El Periódico de Catalunya, 16 de mayo de 2013
  6. ↑ (es) Miembros del Partido Popular de Aragón hacen públicas su declaraciones de IRPF y bienes. La Vanguardia
  7. ↑ (es) «Dolores Serrat: El paciente es cada vez más exigentes ante los avances médicos», aragondigital.es, 4 de noviembre de 2002.
  8. ↑ (es) Ex-presidentes. Conferencia Nacional de Degans de Medicina
  9. ↑ (es) Olivier Vilain, «Dolores Serrat solicita entrar en las listas municipales en el número 31», Diario Aragonés, 3 d'aviento de 2010
  10. ↑ «Nuevo ejecutivo en la DGA», Heraldo de Aragón, 15 de chulio de 2010.
  11. ↑ (es) Organigrama del Partido Popular de Aragón
  12. ↑ (es) Dolores Serrat afronta su designación como portavoz municipal del PP con "mucha ilusión" y "cargada de responsabilidad". Aragondigital.es
  13. ↑ (es) Eloy Suárez Lamata
  14. ↑ (es) Cortes de Aragón - ficha de la diputada Dolores Serrat Moré, Grupo Parlamentario Popular
  15. ↑ (es) Los Superconsejeros. Elena Vozmediano. El Cultural
  16. ↑ (es) Dolores Serrat: "No habrá trato diferenciador entre la universidad pública y la privada". Aragón Universidad
  17. ↑ (es) Rudi apuntala un Gobierno para salir de la crisis. Aragondigital.es
  18. ↑ (es) BOA nº 100. Boletín Oficial de Aragón, 25 de mayo de 2013
  19. ↑ (es) Serrat niega que el lapao sea una lengua y lamenta la intromisión catalanista. Diario del AltoAragón, 10 de mayo de 2013
  20. ↑ (es) Serrat critica el uso con "sorna" del acrónimo "lapao" y lamenta la intromisión catalanista en la Ley de Lenguas de Aragón. Heraldo de Aragón, 10 de mayo de 2013
  21. ↑ (ca) Carta a María Dolores Serrat Moré. Ferran Mascarell, El Punt Avui, 27 de mayo de 2013
  22. ↑ (es) Serrat asegura que Aragón "lleva avanzado el desarrollo de la LOMCE para su implantación en Secundaria y Bachillerato" Serrat asegura que Aragón "lleva avanzado el desarrollo de la LOMCE para su implantación en Secundaria y Bachillerato". Europapress, 15 de chinero de 2015
  23. ↑ (es) Antonio Torres condena la “violencia” que está padeciendo Dolores Serrat. Corz d'Aragón
  24. ↑ (ca) La consellera d'Educació d'Aragó és de Ripoll. Eldebat.com, 16 de mayo de 2013
  25. ↑ (es) El catalán de la Franja se denominará 'lapao' en Aragón. La Vanguardia, 6 de mayo de 2013
  26. ↑ (es) Éxito del ‘lapao’ en su nacimiento: 300.000 personas ya lo hablan en China. Montserrat Concha, El País, 10 de mayo de 2013
  27. ↑ (es) Los que hablan lapao. Fernando Miñano, Las Provincias, 15 de mayo de 2013
  28. ↑ (es) La nueva ley de lenguas aragonesa desata la polémica en Twitter. Heraldo de Aragón, 7 de mayo de 2013
  29. ↑ (es) El TSJA prohíbe una marcha junto a la casa de Serrat porque "perturba" su intimidad. Heraldo de Aragón, 21 de mayo de 2013
  30. ↑ (es) Especial en defensa de la educación pública. Arainfo.org
  31. ↑ (es) Garcés nombra asesor al hijo de Serrat y lo destituye al destaparse el fichaje. Heraldo de Aragón. 16 de chinero de 2013
  32. ↑ (es) El hijo de Dolores Serrat, en la San Jorge. El Periódico de Aragón, 13 de mayo de 2015

Predecesor:
María Victoria Broto
(Educación, Cultura y Esporte) 		Consellera d'Educación, Universidat, Cultura y Esporte d'o Gubierno d'Aragón
16 de chulio de 2011 - 6 de chulio de 2015 		Succesor:
María Teresa Pérez Esteban
(Educación, Cultura y Esporte)


Obteniu de "https://an.wikipedia.org/w/index.php?title=Dolores_Serrat_Moré&oldid=2117725"