The Rev

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

The Rev
Información personal
Nombre	{{{Nombre_de_naiximiento}}}
Embotada	{{{Alias}}}
Naixió	9 de febrero de 1981, Huntington Beach, California, Estaus Unius
Murió	28 d'aviento de 2009, Huntington Beach, California, Estaus Unius
Información musical
Orichen
Estilo	Heavy metal, metalcore
Ocupancia	{{{Ocupancia}}}
Instrumentos	Batería, voz, piano
Tiempo	1999–2009
Discograficas	Warner Bros., Good Life, Hopeless, Bucktan
Relacionau con	Avenged Sevenfold, Pinkly Smooth
Pachina web

James Owen Sullivan (9 de febrero de 1981 – 28 d'aviento de 2009), conoixito con o nombre artistico de The Reverend Tholomew Plague, u mas a soben por o nombre abreviato de The Rev, estió un musico estausunidense, conoixito por estar o batería d'o grupo de hard rock Avenged Sevenfold. Tamién yera o líder y vocalista de Pinkly Smooth, un prochecto paralelo a on que yera conoixito con o nombre de Rat Head, chunto a o suyo companyero en Avenged Sevenfold o guitarrista Synyster Gates. Sullivan naixió, creixió y vivió en Huntington Beach, California. The Rev fue trobato muerto o día 28 d'aviento de 2009, con 28 anyos d'edat.

Carrera

The Rev recibió o suyo primer par de baquetas cuan teneba cuatre anyos d'edat y a suya primera batería con once anyos. En a escuela segundaria prencipió a tanyer en diferents grupos. Antis de marchar ta unir-se a Avenged Sevenfold como un d'os miembros fundadors, Sullivan estió batería d'o grupo de ska Suburban Legends. Con deciueito anyos gravó o suyo primer álbum con Avenged Sevenfold, titulato "Sounding the Seventh Trumpet". Sus primeras influencias incluyen a Frank Zappa y King Crimson. The Rev dició en una entrevista a la revista "Modern Drummer" que "Me crié con istos estilos musicals tanto como con o rock y o metal."

Atros baterías que influyoron mas tardi a The Rev estioron Vinnie Paul, Mike Portnoy, Dave Lombardo, Lars Ulrich, y Terry Bozzio. Mesmo tenió una "influencia estetica", Tommy Lee, sobre lo que comentó "Nunca no pensé que tendría una (influencia estetica)." Una tecnica personal de Sullivan ye lo que él deciba "'the double-ride thing' (literalment "A cosa d'o doble ride"), nomas por a manca de millor definición, ya que degún mas no lo fa," ye una tecnica que se puet sentir en cancions como "Almost Easy", "Critical Acclaim", y "Crossroads" en que Sullivan duplica o tempo tanyendo o doble bombo y os rides.

O grupo ganó o Premio MTV a o Millor Artista Revelación en 2006, ganando a os atros nominatos: Rihanna, Panic! at the Disco, Angels & Airwaves, James Blunt y Chris Brown, y estió The Rev qui fació a charrada en a gala d'os premios en nombre d'o grupo.

The Rev tamién estió vocalista, compositor, y pianista en Avenged Sevenfold. Se le puet sentir tanyendo o piano en as cancions "Warmness on the Soul", "Seize The Day", "Fiction" y "Save Me". Bellas cancions d'Avenged Sevenfold en as que se puet destacar a suya faina como vocalista son "A Little Piece of Heaven", "Brompton Cocktail", "Critical Acclaim", "Crossroads", "Gunslinger", "Lost", "Scream", "Afterlife", y "Fiction". Gracias a os suyos conoiximientos de guitarra y piano, escribió cancions como "Almost Easy", "A Little Piece of Heaven", "Afterlife", "Brompton Cocktail", "Welcome To The Family", "Save Me", y "Fiction".

Avenged Sevenfold anunció que quitarán una versión demo d'o disco "Nightmare" en a que apareixerá The Rev tanyendo a batería electrica y cantando.

En a segunda edición d'os premios "Revolver Golden God", The Rev ganó o premio a o Millor Batería competindo contra Chris Adler de Lamb of God, Brann Dailor de Mastodon, Dave Grohl de Them Crooked Vultures y Dave Lombardo de Slayer. A ceremonia d'os premios fue presentata por Joey Jordison de Slipknot y Vinnie Paul de Pantera, ganador d'o premio en l'anyo anterior. A suya familia y os miembros d'Avenged Sevenfold recibioron o premio en o suyo nombre.

Muerte

O cuerpo sin vida de Sullivan se trobó en casa suya o día 28 d'aviento de 2009, cuan teneba 28 anyadas feitas. A muerte fue debita a causas naturals. Os resultatos de l'autopsia se conoixioron o día 30 d'aviento de 2009, manimenos, estioron inconcluyents. O 9 de chunio de 2010 de reveló que a causa d'a muerte estió una intoxicación aguda por una combinación de drogas que incluyiban oxicodona (OxyContin), oximorfona (un metiléter d'a oxicodona), diazepam (Valium), nordiazepam (un compuesto d'o diazepam) y alcohol.

O 5 de chinero de 2010 se fació un funeral privato por Sullivan, y un día dimpués fue apedecato en Huntington Beach, California.

Discografía

Con Suburban Legends

• Origin Edition (1999)

Con Pinkly Smooth

• Unfortunate Snort (2001)

Con Avenged Sevenfold

• 1999 Demo (1999)
• 2000 Demo (2000)
• Sounding the Seventh Trumpet (2001)
• Warmness on the Soul (2001)
• Waking the Fallen (2003)
• City of Evil (2005)
• All Excess (2007)
• Avenged Sevenfold (2007)
• Live in the LBC & Diamonds in the Rough (2008)
• Nightmare (2010) (Postumo)