Rihanna
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Rihanna | ||
|---|---|---|
.jpg) Rihanna en 2014
| ||
| Información personal | ||
| Nombre | Robyn Rihanna Fenty | |
| Embotada | ||
| Naixió | 20 de febrero de 1988  Bridgetown, Parroquia de Saint Michael, Barbados
| |
| Murió | ||
| Información musical | ||
| Orichen | ||
| Estilo | Rhythm and blues · pop · reggae · hip hop · dance · dancehall | |
| Ocupancia | Cantaire, actriz y disenyadora | |
| Instrumentos | Voz mezzosoprano | |
| Tiempo | 2005-present | |
| Discograficas | Def Jam (2004-2014) SRP (2004-2014) Roc Nation (2014-2015) Westbury Road (2015-present) | |
| Relacionau con | Jay-Z Eminem Chris Brown Drake Calvin Harris David Guetta Nicki Minaj Britney Spears | |
| Pachina web | Rihannanow.com | |
Robyn Rihanna Fenty (Bridgetown, Barbados, 20 de febrero de 1988), conoixida simplament como Rihanna, ye una cantaire, actriz y disenyadora de moda barbadense. Prencipió a suya carrera en 2003 quan fació un casting pa o productor musical Evan Rogers. A la edat de deciséis, Rogers, decidió levar-la a os Estaus Unius pa gravar maquetas. Dimpués fació una audición pa Jay-Z y sinyó un contracto de seis álbumes con Def Jam Recordings.
Os suyos primers materials discograficos, Music of the Sun (2005) y A Girl Like Me (2006), aconsiguioron gran exito comercial en os países de luenga anglesa. Manimenos, Rihanna adquirió fama mundial dimpuesas d'o lanzamiento d'o suyo tercer álbum d'estudio, Good Girl Gone Bad (2007), o que estió precediu por o sencillo que la catapultó enta o estrelato, «Umbrella». Dende o 2009 a o 2011 a suya discografía fue expandiendo-se con o lanzamiento de tres discos, Rated R (2009), Loud (2010) y Talk That Talk (2011). Os tres estioron certificaus platino por l'Asociación d'Industria Discografica d'Estaus Unius. A suya carrera musical continó con os exitos Unapologetic (2012) y Anti (2016). Totz dos aconsiguioron o numero un en o Billboard 200 y fuoron certificaus multi-platino por l'Asociación d'Industria Discografica d'Estaus Unius.
A suya ampla discografía la ha ficau entre os artistas mes vendius de totz os tiempos con mas de 200 millons de produccions musicals distribuidas por tot o mundo.[1] Amás ye l'artista con mas vendas dichitals de totz os tiempos, establindo una marca en O libro Guinness d'os Récords.[2]Spotify l'atorgó o titol de l'artista femenina mas escuitada de totz os tiempos.[3] Dotze d'as suyas cantas se troban entre os sencillos mas vendius d'o mundo. Aconsiguió colocar catorce sencillos numero un en o Billboard Hot 100, convertindo-se en o tercer artista con mas cantas en dita posición.[4] A revista Billboard la nombró «artista dichital» d'o decenio de 2000, «artista Hot 100» d'o decenio de 2010 y «artista Mainstream» mas important d'os zaguers 20 anyos.
As revistas, Forbes y Time, han nombrau a Rihanna como una d'as celebridatz mas poderosas y influyents d'o mundo.[5] A Rihanna le'n gualardonó con o «Premio Icono», en a gala d'os American Music Awards de 2013, por a suya trayectoria y contribución a o mundo d'a mosica. En os MTV Video Music Awards de 2016 a cantaire recibió o premio Video Vanguard Award, una reconoixencia entregada a musicos que han teniu un fundo impacto en a dita «cultura MTV».[6] D'o mesmo modo o suyo treballo ha estau reconoixiu con Premios Grammy, Billboard Music Awards u Premios Brit, entre atros premios.[7]
Referencias[editar | modificar o codigo]
- ↑ (en) Hamilton, Sam (20 de junio de 2013).
- ↑ (en) Hampp, Andrew (20 de noviembre de 2012).
- ↑ (en) FACT.
- ↑ (en) Trust, Gary (23 de febrero de 2016).
- ↑ (en) The Celebrity 100, 2012
- ↑ (en) «Rihanna Is Your 2016 Vanguard».
- ↑ (en) Melago, Carrie (24 de chunio de 2009).