Deza

	Deza
	Municipio de Castiella y Leyón
Entidat; • Estau; • Comunidat; • Provincia; • Comarca	Municipio; Espanya; Castiella y Leyón; Soria; Campo de Gómara
Superficie	117,76 km²
Población; • Total	; 181 hab. (2013)
Altaria; • Meyana	; 850 m.
Distancia; • 56 km	; enta Soria
Codigo postal	42126
Ríos	río Algadir
Coordenadas	41°27’46’’N 2° 1’ 9’’U
	Deza Deza en Castiella y Leyón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un municipio castellanoleyonés en a provincia de Soria; ta atros usos, se veiga Deza (desambigación).

Deza ye un municipio d'a provincia de Soria (Castiella y Leyón), situato en a muga de Soria y Zaragoza.

A suya población ye de 246 habitants (2014), en una superficie de 117,76 km² y una densidat de 2,08 hab/km².

Cheografía

A localidat de Deza ye situada a piet d'as sierras de Miñana y Deza, a lo sudueste y en a val d'o río Algadir, tamién conoixiu como río Deza. Os lugars de Miñana y d'Alameda perteneixen a lo termin municipal de Deza dende 1966.

Mugas

O termin municipal de Deza muga con Almazul, Quiñonería, Carabantes, Ciuela y Torlengua en a provincia de Soria y con Bordalba, Bichuesca y Turrillo en a provincia de Zaragoza.

Historia

O 27 d'agosto de 1429 as tropas d'a Corona d'Aragón prenioron Deza y la saqueyoron. D'acuerdo con as costumbres de guerra d'ixos tiempos os musulmans de l'alchama de Deza fuoron vendius como esclavos en Zaragoza^[1]. A presa de Deza estió un episodio adintro d'a intervención aragonesa en a "guerra d'os Infants d'Aragón", con una ofensiva que dende Fariza entró en Castiella dica Siguenza y Hita, y con combates en a zona de muga entre lo Reino de Castiella y lo Reino d'Aragón. O tractau de Majano (1430) posó fin a la intervención aragonesa en esta guerra.

Toponimia

En a Edat Meya s'escribiba Baza.

Referencias

↑ (es) Manuel Gómez de Valenzuela: Esclavos en Aragón (siglos XV a XVII). Institución Fernando el Católico, 2014. ISBN 978-84-9911-285-5. p 37.

Lugars de Deza
La Alameda \| Deza \| Miñana

Municipios d'a comarca de Campo de Gómara

[ESCLAVOSARAGON-1] (es) Manuel Gómez de Valenzuela: Esclavos en Aragón (siglos XV a XVII). Institución Fernando el Católico, 2014. ISBN 978-84-9911-285-5. p 37.

[1]