Katoomba

	Katoomba
	Localidat d'Australia
	; Zona comercial en Katoomba
País; • Estato	Australia; Nueva Galas d'o Sud
Población; • Total	; 7964 hab. (2016)
Altaria; • Meyana	; 1.017 m.
Codigo postal	2780
Coordenadas	33°S 42°E
	Katoomba Katoomba en Australia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Katoomba ye una localidat australiana capital de l'aria urbana conoixida como Ciudat d'os Monts Azuls en Nueva Galas d'o Sud. Katoomba ye situada chunto a la Great Western Highway a 110 km a l'ueste de Sydney y 39 km a o sudeste de Lithgow. A gara de Katoomba se troba en a Main Western line.^[1]

Katoomba ye un puesto de salida d'excursions por os Monts Azuls. Seguntes o censo oficial de 2011, Katoomba teneba una población de 8.016 personas.

Etimolochía

Kedumba u Katta-toon-bah ye un termin aborichen que significa "augua brillant que caye" u "augua que caye sobre o tozal"^[2] y prene o suyo nombre d'o salto d'augua que baixa enta a val de Jamison por debaixo d'o Harrys Amphitheatre. Previament, o puesto yera conoixiu como William's Chimney y Collett's Swamp. En 1874 a localidat yera dita The Crushers por o nombre d'a gara que daba acceso a una cantera amanada. O nombre de Katoomba fue adoptau en 1877 y se convirtió en municipio en 1889.^[3]

Historia

Katoomba y l'amanada Medlow Bath se desenvolicoron como destins turisticos en zaguerías d'o sieglo XIX cuan se i construyoron un conchunto d'hotels que poco dimpués fació que as localidaz se estendillasen.

A menería de carbón y pizarra tamién estió una important fuent d'ingresos d'a val de Jamison mientres muitos anyos, encara que cuan as vetas s'acotoloron en primerías d'o sieglo XX Katoomba pasó a estar un lugar residencial. En os anyos 1960 Katoomba prencipió una epoca de declive y muitos d'os suyos suyos hotels y hospederías prencipioron a fer-se servir con atros propositos, incluyindo hospitals ta personas convalecients. Debiu a que as casas yeran prou baratas muitas familias que encara i viven s'establioron por ixas envueltas.

En os anyos 1980, as casas rurals y hotels tornaron a meter-se de moda y se reformoron ta recuperar o suyo aspecto anterior. O pre d'as casas en a rechión de Katoomba tornó a puyar, encara que en cheneral son mas baixos que en l'aria metropolitana de Sydney. O turismo en l'aria ha puyau significativament dende 2010.

Referencias

↑ (en) Gregory's State Road Map of New South Wales, Map 220, 11th Edition
↑ (en) "PLACE NAMES.". The Australian Women's Weekly (National Library of Australia): p. 61. 13 de mayo de 1964. http://nla.gov.au/nla.news-article55185386. Retrieved 22 de febrero de 2011.
↑ (en) "Origin of Blue Mountains Town Names" Blue Mountains City Council

Vinclos externos

Se veigan as imáchens de Commons sobre Katoomba.

[1] (en) Gregory's State Road Map of New South Wales, Map 220, 11th Edition

[2] (en) "PLACE NAMES.". The Australian Women's Weekly (National Library of Australia): p. 61. 13 de mayo de 1964. http://nla.gov.au/nla.news-article55185386. Retrieved 22 de febrero de 2011.

[3] (en) "Origin of Blue Mountains Town Names" Blue Mountains City Council

[1]

[2]

[3]