Katoomba

De Biquipedia
Ir a la navegación Ir a la búsqueda
Katoomba
Localidat d'Australia
Katoomba bm2.jpg
Zona comercial en Katoomba
Estato
 • Estato
Flag of Australia.svg Australia
Nueva Galas d'o Sud
Población
 • Total

8.016 hab. (2011)
Altaria 1.017 m.
Coordenatas
33°S 42°E
Katoomba en Australia
Katoomba
Katoomba
Situación de Katoomba en Australia

Katoomba ye una localidat australiana capital de l'aria urbana conoixida como Ciudat d'os Monts Azuls en Nueva Galas d'o Sud. Katoomba ye situada chunto a la Great Western Highway a 110 km a l'ueste de Sydney y 39 km a o sudeste de Lithgow. A gara de Katoomba se troba en a Main Western line.[1]

Katoomba ye un puesto de salida d'excursions por os Monts Azuls. Seguntes o censo oficial de 2011, Katoomba teneba una población de 8.016 personas.

Etimolochía[editar | editar código]

Kedumba u Katta-toon-bah ye un termin aborichen que significa "augua brillant que caye" u "augua que caye sobre o tozal"[2] y prene o suyo nombre d'o salto d'augua que baixa enta a val de Jamison por debaixo d'o Harrys Amphitheatre. Previament, o puesto yera conoixiu como William's Chimney y Collett's Swamp. En 1874 a localidat yera dita The Crushers por o nombre d'a gara que daba acceso a una cantera amanada. O nombre de Katoomba fue adoptau en 1877 y se convirtió en municipio en 1889.[3]

Historia[editar | editar código]

Katoomba y l'amanada Medlow Bath se desenvolicoron como destins toristicos en zaguerías d'o sieglo XIX quan se i construyoron un conchunto d'hotels que poco dimpués fació que as localidatz se estendillasen.

A menería de carbón y pizarra tamién estió una important fuent d'ingresos d'a val de Jamison mientres muitos anyos, encara que quan as vetas s'acotoloron en primerías d'o sieglo XX Katoomba pasó a estar un lugar residencial. En os anyos 1960 Katoomba prencipió una epoca de declive y muitos d'os suyos suyos hotels y hospederías prencipioron a fer-se servir con atros propositos, incluyindo hospitals ta personas convalecients. Debiu a que as casas yeran prou baratas muitas familias que encara i viven s'establioron por ixas envueltas.

En os anyos 1980, as casas rurals y hotels tornaron a meter-se de moda y se reformoron ta recuperar o suyo aspecto anterior. O pre d'as casas en a rechión de Katoomba tornó a puyar, encara que en cheneral son mas baixos que en l'aria metropolitana de Sydney. O torismo en l'aria ha puyau significativament dende 2010.

Referencias[editar | editar código]

  1. (en) Gregory's State Road Map of New South Wales, Map 220, 11th Edition
  2. (en) "PLACE NAMES.". The Australian Women's Weekly (National Library of Australia): p. 61. 13 de mayo de 1964. http://nla.gov.au/nla.news-article55185386. Retrieved 22 de febrero de 2011. 
  3. (en) "Origin of Blue Mountains Town Names" Blue Mountains City Council

Enrastres externos[editar | editar código]