Estrasburgo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Estrasburgo Straßburg Strossburi Strasbourg | |||
| Comuna de Francia | |||
| |||
 | |||
| Estau • Rechión • Departam. • Districto • Cantón |
 FranciaGran Este Baixo Rin (pref.) Estrasburgo (capital) Capital de 6 cantons | ||
| Superficie | 78,26 km² | ||
| Población • Total • Densidat |
291 313 hab. (2018) 3.670 hab/km² | ||
| Altaria • Meyana |
142 m | ||
| Alcalde | Jeanne Barseghian | ||
| Codigo postal | 67000, 67100, 67200 | ||
| Codigo INSEE | 67482 | ||
| Coordenadas | |||
Estrasburgo (en alemán Straßburg, en francés Strasbourg, en alsaciano Strossburi) ye una ciudat de Francia, capital d'o departamento de Baixo Rin.
Estrasburgo ye una d'as cuatro capitals prencipals de facto d'a Unión Europea (de conchunta con Bruselas, Luxemburgo y Frankfurt d'o Main), ya que ye la seu de cuantas institucions europeas, como lo Parlamento Europeu, l'Eurocuerpo y lo Defensor d'o Pueblo Europeu d'a Unión Europea. Una organización deseparada d'a Unión Europea, o Consello d'Europa tamién se troba en a ciudat.
Economicament, Estrasburgo ye un important centro de fabricación y incheniería, asinas como un centro de transporte per carretera, ferroviario y fluvial. Lo puerto d'Estrasburgo ye lo segundo mas gran d'o Rin dimpués de Duisburg en Alemanya, y lo segundo puerto fluvial mas gran de Francia dimpués de París.[1]
Historia
A ciudat d'Estrasburgo creixió a partir d'o campamento romano d'Argentoratum.
Entre 362 y 1262, Estrasburgo va estar gubernada per os bispes d'Estrasburgo. En 1262, os ciudadans se rebeloron violentament contra lo gubierno d'o bispe (en a Batalla de Hausbergen) y Estrasburgo se convirtió en una ciudat imperial libre. Se convirtió en ciudat francesa en 1681, dimpués d'a conquiesta d'Alsacia per os exercitos de Loís XIV. En 1871, dimpués d'a guerra franco-prusiana, a ciudat tornó a estar alemana, dica 1918 (en zaguerías d'a Primera Guerra Mundial), cuan tornó a Francia. Dimpués d'a redota de Francia en 1940 (en a Segunda Guerra Mundial), Estrasburgo tornó a estar baixo control alemán; a la fin dende zaguerías de 1944, ha tornau a estar una ciudat francesa. En 2016, Estrasburgo estió puyada de capital d'Alsacia a capital de Gran Este.
Demografía
| 1921 | 1936 | 1946 | 1954 | 1962 | 1975 | 1982 | 1990 | 1999 | 2009 | 2018 |
|---|---|---|---|---|---|---|---|---|---|---|
| 166.767 | 193.119 | 175.515 | 200.921 | 228.971 | 253.384 | 248.712 | 252.338 | 264.115 | 271.708 | 284.677 |
Puestos d'intrés
- Gran Isla d'Estrasburgo, patrimonio d'a Humanidat, dende 1988.
- Seu, patrimonio d'a Humanidat.
Fiestas
- Mercau de Nadal (marché de Noël u Christkindelsmärik).
Personalidaz naixitas d'Estrasburgo
- Charles Gerhardt (1816-1856), quimico.
- Hans Bethe (1906-2005), fisico, Premio Nobel de Fisica de l'anyo 1967.
- Gustave Doré (1832-1883), pintor.