Alamanico alsaciano

Alsaciano
Elsässisch
Variedaz de l'alamanico
Alsaciano en royo entre as luengas altochermanicas superiors
Localización cheografica
Parlau en	Alsacia
Estatus
Charradors	700.000
Vitalidat	Alta
Literatura
Rasgos dialectals	Baixo alamanico
Clasificación lingüistica
● Indoeuropea    ● Chermanica      ● Chermanica occidental        ● Altochermanica          ● Altochermanica superior            ● Alamanico              ● Baixo alamanico                ● Alsaciano
Codigos
ISO 639-2	gsw
ISO 639-3	gsw

L'alsaciano (en francés alsacien, en alemán Elsässisch) ye un conchunto de parlas chermanicas, d'o grupo d'o baixo alamanico, orichinarias d'Alsacia, rechión a l'este de Francia que muga con Alemanya y que ha pasau a estar a un canto y l'atro d'a muga en cuantas vegadas. Istas parlas s'emplegan en cuasi toda Alsacia difuera de bellas poblacions de l'ueste y d'o sud, a on se parla francés.

No ye facilment intelichible ta os parlants de l'alemán estándard. Ye muit relacionau con parlas como l'alemán suizo de Basilea y o suabio (Schwäbisch), con influyencias francesas.

Muitos parlants escriben en alemán estándard, encara que os nombres d'as carreras (antis nomás en francés, agora bilingüe en bels puestos, mas que mas en Estrasburgo) pueden utilizar formas locals.

Actualment, bi ha a-saber-los artistas que s'expresan en alsaciano como Tomi Ungerer, René Schickéle, Jean Egen, Roger Siffer, Germain Muller, Liselotte Hamm y Jean-Marie Hummel, René Egles, Sylvie Reff u Kansas of Elsass, entre atreo. O grupo René Schickele-Gesellschaft, que fue creyau en 1965, tamién promueve o suyo uso y amostranza.

Eixemplos de parolas en alsaciano

Aragonés	Alsaciano	Alemán
Tierra	Arda	Erde
Cielo	Himmel	Himmel
Augua	Wasser	Wasser
Fuego	Fir	Feuer
Hombre	Mann	Mann
Muller	Freu	Frau
Minchar	essa	essen
Beber	trinka	trinken
Gran	gross	groß
Chicot	klein	klein
Nueit	Nacht	Nacht
Día	Dâa	Tag

Se veiga tamién

• Alsacia.
• Nacionalismo alsaciano.
• Rot un Wiss.

• Datos: Q8786
• Multimedia: Alsatian language / Q8786