Apelliu López
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| López | |
|---|---|
 Apelliu común de toda Espanya
| |
| Lingüistica | |
| Luenga orichinal: | Iberorromanico |
| Campo semantico: | Apelliu patronimico |
| Etimolochía: | Antroponimia latina |
| Dimana de: | Lope <LUPUS |
| Significa: | "Fillo de Lope" |
| Portadors | |
| Totals en Espanya: | 879.868 en 2011 (INE) |
| Totals en Aragón: | 17.394 en 2011 (INE) |
L'apelliu López ye un apelliu patronimico propio d'as luengas iberorromanicas occidentals, común en Aragón y en toda Espanya.
Fa parte d'a familia d'os apellius patronimicos iberorromanicos que rematan con a desinencia -ez, muitos d'os cuals se contan d'entre os que tienen mas portadors en o Estau Espanyol.
Como apelliu patronimico iberorromanico, o suyo significau ye, literalment, "fillo de Lope/Lop". Lope u Lop ye un antroponimo masculín, evolución en os romances derivaus de o latín hispanico d'o nombre propio romano <LUPUS, que yera mas frecuent en as etapas medievals y modernas de as ditas romances que en l'actualidat.
Oríchens
Probablement, tiene numerosas oríchens cheograficas en tot l'amplo d'a Peninsula Iberica, en aquels territorios a on que una luenga iberorromanica (castellano, gallego, portugués, aragonés u asturleyonés) i haiga estau a luenga predominant.
As oríchens tan diferents han dau cuantiosos linaches, no necesariament emparentaus d'entre si, que habrían amaneixiu aleatoriament a lo largo d'un periodo cronolochico muit amplo, que s'extendillaría d'entre a Edat Meya y a Edat Moderna, en o reino de Portugal, os reinos d'a Corona de Castiella y os territorios aragoneso- y castellanoparlants de a Corona d'Aragón.
O suyo apelliu homologo en catalán ye Llopis, y en os territorios de luenga portuguesa coexiste con Lopes, que ye mas frecuent.
Frecuencia
Estatisticament, López yera o cinqueno apelliu mas común d'Espanya (dimpués de Fernández y d'antes que Martínez) en l'anyo 2011.[1] En Aragón y como puesto de residencia, ye o segundo apelliu mas frecuent en a provincia de Uesca,[1] o cuatreno en a provincia de Zaragoza[1] y o seiseno en a provincia de Teruel.[1]
Tamién ye o primer apelliu mas frecuent d'entre os naixius d'a provincia de Uesca,[1] o cuatreno d'os naixius de Zaragoza[1] y o cinqueno d'os naixius en Teruel.[1]