Sara Mora Romeo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sara Mora | |
|---|---|
| Información personal | |
| Nombre real | Sara Mora Romeo |
| Calendata naiximiento: |  Escatrón, Ribera Baixa d'Ebro (Zaragoza)
|
| Puesto naiximiento: | 1953 |
Sara Mora Romeo (acreditada como Sara Mora) ye una actriz aragonesa naixita en 1953 d'Escatrón (Ribera Baixa d'Ebro) que desembolicó a suya carrera artistica sobre tot en las decadas de los anyos 1970 y 1980, destacando en lo chenero de lo destape, que yera lo chenero que en ixas envueltas predominaba en lo cine espanyol.
Biografía
Naixió en una familia d'Escatrón y emigró ta Zaragoza habendo viviu bel tiempo en la Puebla d'Íxar, basando los suyos treballos en lo mundo de lo spectaclo en collas teatrals d'aficionaus de Zaragoza, pa dimpués continar-la en Madrit dende 1973.[1] La suya primera presencia publica en los escenarios teatrals como profesional en Madrit estió en la obra La Muerte de Danton, d'Alberto Gonzáles Vergel.[1] Dende alavez, los suyos treballos en lo mundo de lo spectaclo combinoron lo treballo en lo teatro con treballos en lo mundo de lo cine y en lo mundo de la televisión, en primeras como presentadora de televisión en bel programa de TVE como Destino Argentina u Sumarísimo).[1]
Sara Moreno plega en lo mundo de lo cine en un periodo en que en lo cine espanyol predomina la comedia erotica en haber desapareixiu la censura y amanixer lo erotismo que dica l'inte heba prohibiu lo franquismo. Los suyos primers papels cinematograficos son asinas en cintas d'este chenero, en podedo-se destacar bella cinta como Las alegres vampiras de Vögel (Julio Pérez Tabernero, 1974), La insólita y gloriosa hazaña del cipote de Archidona (Ramón Fernández, 1979), Los energéticos (Mariano Ozores, 1979), La masajista vocacional (Francisco Lara Polop, 1981), La pitoconejo (Zacarías Urbiola, 1982), u atras produccions comercials tipo Othello, el comando negro (Max H. Boulois, 1982), u Atrapados en el miedo (Carlos Aured, 1985).[1] La suya participación en lo chenero de destape ye calificada por muitos especialistas con optica actual como erotismo peludo.
Enta 1990 remata lo cine de destape, como se conoixeba ixe erotismo de baixa intensidat y con bien poquetas cintas d'intrés cinematografico y Sara Mora cambia asinas la orientación de lo suyo treballo adedicando-se a fer cintas de mayor calidat que dica l'inte. Ixa nueva etapa prencipia con lo suyo papel en la serie de TVE, La forja de un rebelde, de Mario Camus,[1] pa continar-la dimpués en lo mundo de lo cine. Bella cinta destacada d'este segundo periodo en la suya filmografía son Tramontana (Carlos Pérez Ferré, 1991), Huidos (F. Sancho Gracia, 1993), Tirano Banderas (José Luis García Sánchez, 1993) y Cachito (Enrique Uribe, 1996).[1] Tamién contina con la suya colaboración en series de televisión, como una nueva serie sobre la fegura de Curro Jiménez pa la cadena Antena 3 TV en 1995.[1]
Filmografía
Cintas
- 1975: Las alegres vampiras de Vögel, de Julio Pérez Tabernero, con Ágata Lys, María José Cantudo, Germán Cobos y Rafael Conesa.
- 1977: El espiritista.
- 1978: La mujer de la tierra caliente.
- 1979: La pitoconejo.
- 1979: Los energéticos, de Mariano Ozores.
- 1979: La insólita y gloriosa hazaña del cipote de Archidona, de Ramón Fernández.
- 1979: Las siete magnificas y audaces mujeres.
- 1980: Atraco a sexo armado.
- 1980: Barba Azul y sus mujeres, de Juan José Alonso Millán, con Manolo Gómez Bur, Carmen del Lirio, Marisol Ayuso, Mónica Cano y Beatriz Escudero.
- 1981: Eva Man (Due sesi in uno).
- 1981: La casada divertida.
- 1981: Al sur del edén.
- 1981: La frígida y la viciosa.
- 1981: La masajista vocacional, de Francisco Lara Polop.
- 1982: La pitoconejo, de Zacarías Urbiola (aka El regreso de Eva Man).
- 1982: Othello, el comando negro, de Max H. Boulois, con Tony Curtis, Joanna Pettet y Nadiuska.
- 1985: Atrapados en el miedo, de Carlos Aured, con Adriana Vega, José Luis Alexandre y Joaquín Navarro.
- 1991: Tramontana, de Carlos Pérez Ferré.
- 1993: Huidos, de F. Sancho Gracia.
- 1993: Tirano Banderas, de José Luis García Sánchez.
- 1996: Cachito, d'Enrique Uribe.
Series de televisión
- 1985: Como Pedro por su casa, primer episodio.
- 1978: Sumarísimo.
- 1990: La forja de un rebelde.
- 1997-1998: Querido maestro.
Reportaches fotograficos
- Interviú numero 97, 23-03-1978.
- Interviú numero 126, 12-10-1978.
- Interviú extra Navidad 1978, "Quince niñas a flor de piel".
- Lib numero 115, chinero de 1979.
- Lib numero 162, noviembre de 1979.
Vinclos externos
- (es) Sara Mora Romeo en a Gran Enciclopedia Aragonesa.
- (en) Sara Mora en IMDb.
Referencias
- ↑ 1,0 1,1 1,2 1,3 1,4 1,5 1,6 (es) Sara Mora Romeo en a Gran Enciclopedia Aragonesa.