Mariano Ozores

De Biquipedia
Ir a la navegación Ir a la búsqueda
Mariano Ozores
Información personal
Nombre real Mariano Ozores Puchol
Calendata naiximiento: 5 d'octubre de 1926
Puesto naiximiento: Flag of Spain.svg Madrit (Espanya)

Mariano Ozores Puchol, naixito de Madrit o 5 d'octubre de 1926, ye un actor, director cinematografico y guionista espanyol con una ampla carrera en o cine espanyol dende os anyos 1950, que fa parte d'una familia vinclata a o cine, en estar fillo d'os actors teatrals Mariano Ozores y Luisa Puchol, chirmán d'os actors José Luis Ozores y Antonio Ozores, y tío d'as actrices Adriana Ozores y Emma Ozores. Mientres a suya carrera cinematografica treballó con quantos actors aragoneses, destacando-ie Paco Martínez Soria en os anyos 1970 u Fernando Esteso (en peliculas a dugo con Andrés Pajares) dende zaguerías d'os anyos 1970 dica primerías d'os anyos 1980, treballando en realidat con quasi totz os prencipals actors d'o cine espanyol.

D'entre a suya filmografía como director, se puet destacar a suya dirección en cintas como ¡Cómo está el servicio! (1968, con Gracita Morales, José Luis López Vázquez, Irene Gutiérrez Caba, Antonio Ferrandis y José Sacristán), Objetivo Bi-ki-ni (1968, con José Luis López Vázquez, Gracita Morales, Antonio Ozores, Alicia Tomás y Marisol Ayuso), El taxi de los conflictos (1969, con Juanjo Menéndez, Pilar Bayona, Sonia Bruno, Armando Calvo, Roberto Camardiel y Alberto Closas), Los bingueros (1969, con Andrés Pajares, Fernando Esteso, Antonio Ozores, Norma Duval y Florinda Chico), El calzonazos (1974, con Paco Martínez Soria, Florinda Chico, Mari Carmen Prendes, María Kosty y Emilio Gutiérrez Caba), El liguero mágico (1980, con Andrés Pajares, Antonio Ozores, Adriana Vega, Adriana Ozores y María Luisa Ponte), Cristóbal Colón, de oficio... descubridor (1982, con Andrés Pajares, Fiorella Faltoyano, María Kosty, Rafaela Aparicio, Ángel de Andrés y Quique Camoiras) u El currante (1983, con Andrés Pajares, Antonio Ozores, María Casanova, Tomás Zori y Beatriz Carvajal).

Vinclos externos[editar | editar código]