Tres Serols (Australia)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre una formación rocosa d'os Monts Azuls. Ta atros Usos se veiga Tres Serols (desambigación).

Tres Serols Three Sisters
As Tres Serols
Situación
Situación	Katoomba, Nueva Galas d'o Sud, Australia
Latitut	33° 44′ 08″ S
Lonchitut	150° 18′ 52″ E
Vértiz cheodesico	/0.pdf
Cheografía
Cordelera	Monts Azuls
Sierra
Macizo
Altaria	922 m m
Primera puyada
Ruta mas fácil
Mapa
Imachen:Australia New South Wales relief localización map.png

Tres Serols (en anglés Three Sisters) ye o nombre con que se conoixe a una rariza formación rocosa situada en os Monts Azuls en o estau de Nueva Galas d'o Sud, Australia, en a parti norte d'a val de Jamison. Se troban amán d'a localidat de Katoomba y son una d'as atraccions mas famosas d'os Monts Azuls. Os suyos nombres son Meehni (922 m), Wimlah (918 m) y Gunnedoo (906 m).

Cheolochía

As Tres Serols se formoron por a erosión d'o terreno. A piedra d'arena blanda d'os Monts Azuls s'erosionó facilment con o paso d'o tiempo debiu a l'aición de l'aire, a plevia y os ríos, fendo que as foces que rodiaban a val de Jamison se fuesen crebando.

Leyenda aborichen

A leyenda mas famosa diz que as Tres Serols yeran tres chirmanas, Meehni, Wimlah y Gunnedoo, miembros d'a tribu katoomba que habitaba en a val de Jamison. As tres s'enamororon de tres hombres, chirmans, d'a vecina tribu nepean, encara que o suyo matrimonio yera viedau por as leis tribals. Os tres chirmans no yeran d'alcuerdo con dita lei y no quereban aceptar-la por o que decicioron raptar a las tres chirmanas. Isto derivó en una gran batalla tribal, estando as tres chirmanas convertidas en piedra por un anciano d'a suya tribu ta protecher-las. O viello manimenos morió en a batalla y dengún no pudo tornar a las chirmanas a o suyo estau orichinal. Se diz que ista leyenda perteneixe a la mitolochía d'os indichenas australianos.

Con tot y con ixo, o Doctor Martin Thomas, en a suya obra "The artificial horizon: imagining the Blue Mountains", contrimostra que a teorica leyenda "aborichen" sería en realidat una falordia inventada por un habitant no aborichen de Katoomba, Mel Ward, presumiblement ta adhibir intrés turistico a iste puesto. A historia s'orichinó en zaguerías d'os anyos 1920 u primerías d'os anyos 1930 y no se conoixeba antis.