Bota (recipient)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre a bota de pichar. Ta atros usos de «bota» se veiga Bota (desambigación).
Una bota (femenino de boto) ye un recipient de piel u cuiro d'animal, freqüentment de corder u crabito, que s'emplega pa contener y transportar una cantidat reducida de liquido destinau a beber-se.
A bota ye una versión chicorrona d'un botico, elaborada no con o pellizo de l'animal enter sino con nomás una parte, y que incorpora un tape especial en a botana con un dispositivo regulador de cabal, de forma que permite beber-ne sin riesgo de que un empentón (onda de liquido) imprevisto pueda fer trafegar a la persona que en bebe.
Pa beber d'una bota, cal alzar-la por alto d'a cabeza y apretar-le a pancha (o boto propriament dito) con una presión leve pero constant, de forma que por o tape brinca un churro que se mirará de prochectar ta dintro d'a boca, de forma analoga a como se bebe d'un porrón («a galet»). A ista forma de brincar o liquido, tanto en a bota como en o porrón, se le diz coloquialment «pichar».