Zoroastres

De Biquipedia
Ir ta: navego, busca
Parti de L'Academia d'Atenas, de Rafael (1510). O personache con a esfera estrelada en a mán s'ha identificato como Zoroastres, encara que tamién se diz que poderba representar a lo cheografo Estrabón.

Zoroastres[1] (d'o griego Ζωροάστρης, Zōroastrēs) u Zaratustra (de l'avestico Zaraθuštra), estió un profeta (mantran) fundador d'a relichión dita Zoroastrismo

Se considera un personache historico pero no se conoixe de seguro ni o puesto de naixencia ni o tiempo quan que vivió. Basando-se en analisis lingüisticas d'o libro d'himnos Gathas, parti de l'Avesta, en a redacción d'os qualos se considera que intervenió personalment, se creye que vivió uns 1000 anyos aC.

Tot lo que se conoixe de Zoroastres proviene d'o libro relichioso d'o Zoroastrismo, l'Avesta, u d'a tradición oral. Respecto a lo puesto a on naixió poderba estar o noreste d'Irán u Bactria, hue Balkh, en Afganistán.

Fillo d'o sacerdot Porushaspa, quan Zoroastres teneba 20 anyos abió una experencia relichiosa en a quala le se apareixió lo Sinyor d'a sabiduría y divinidat d'o bien Ahura Mazda (u Ormudz), que le transmitió a orden de luitar contra o principe d'o mal, Ahriman.

En o "Libro del Trasoro" en comentan bella cosa en o capítol 24:

E en aqueste tiempo començo el regno de Cisonja, e vn maestro Çoroastres trobo la art de magica e de encantamjentos e de senblantes otras cosas.

Referencias[editar | editar código]

  1. Mención en aragonés seguntes ista referencia d'o Libro d'o Trasoro de Brunetto Latini.