Zoroastrismo

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Faravahar (u Ferohar), un d'os simbolos principals d'o Zoroastrismo, se creye que ye a imachen d'un Fravashi (un esprito guardián).
Templo zoroastrista, Yazd, Irán.

O Zoroastrismo yera a relichión oficial en una etapa de l'Imperio Aquemenida y en l'Imperio Sasanida. Ye basata en a doctrina predicata por Zoroastres en Irán. Actualment encara tien siguidors, os ditos parsis.

L'Avesta ye o conchunto de libros sagratos d'ista relichión, encara que nomás se conserva una cuarta parti de l'orichinal.

O zoroastrismo ye una relichión monoteísta que substituyó lo politeísmo d'os pueblos indo-europeus d'a rechión por un dualismo: o esprito d'o Mal u Angra Mainyu y o Gran Sinyor u Ahura Mazda (encara que tot proviene d'o Creyador). Os dos tienen os suyos correspondients seguidors, a sobén divinidaz anteriors liucherament transformatas. Luitan eternament por o dominio d'o mundo y sobre tot por convencer a lo ser humán, o solo con libertat ta poder dicir, ta que siga una doctrina u una atra. Iste combate rematará a la fin d'os tiempos con o triunfo d'o bien y con una purificación cheneral, muertos incluyitos.

L'hombre ha de continar en a suya vida con os principios d'o bien, caracterizatos por a piedat y l'orden. Cuan muera será chuzgato seguntes as suyas accions y vivirá en un o paradiso u en un infierno dica la gran luita final.

O zoroastrismo mantiene restas de l'antiga relichión iraní, como por eixemplo os sacrificios y o papel central d'o fuego y a luz en a suya liturchia. O sacerdocio y a machia tienen poca importancia comparato con atras relichions.

En "La Flor de las Ystorias d'Orient" bi ha una chicota mención a l'antiga relichión zoroastrica d'os persas:

la gent de aquella tiera (es) son dichos perssa(n)os et han lenguages proprio[s] que ellos faulan de mercaderias et de lauores de t(ier)ra viuen / de armas nin de guerras no(n) se entremete(n) aquestos antiguament adorauan las ydolas et sennaladament auien el fuego por lur Dios mas pues que aquella maluada lengua (lengua) vino en aquellas partidas ellos fueron todos moros et crehen todos enla falssa ley de mahomet

Vinclos externos[editar | modificar o codigo]