Vulpini

De Biquipedia
Ir ta: navego, busca
Rabosa
Raboso royo
Rabosa roya (Vulpes vulpes).
Estato de conservación
Status iucn2.3 LC.svg
Seguro.
Clasificación scientifica
Dominio: Eukaryota
Reino: Animalia
Filo: Chordata
Clase: Mammalia
Orden: Carnivora
Familia: Canidae
Tribu: Vulpini
Cheners

Se diz rabosa/o u raposa/o a un grupo d'animals de caracteristicas morfolochicas semilars (27 especies en total, quaternadas en 7 cheners repartitos arredol d'o mundo) compresas en a familia Canidae y que mantienen a demés vinclos cheneticos d'entre ellas més fuertes que no con os altros canidos, per la qual cosa muitos autors gosan definir una tribu adintro de la dita familia taxonomica ta deseparar-las d'a resta d'especies, dando-le lo nombre de Vulpini (en latín, «vulpins»).

As rabosas son canidos de mida chiqueta, més chicotz que no cans y lupos, d'alimentación oportunista, minchan carnuzos, cazan animals chicotz (como zorces u ixergandanas) y dica gosan pescar quan tienen ocasión. En comparanza con os suyos parients de mida más gran, as rabosas incluyen en a suya dieta buena cosa de produeitos vechetals, como lulos y fruita.

En a Peninsula Iberica, actualment no se i troba si que una especie de rabosa, a dita rabosa roya u europea (Vulpes vulpes), que ye a demés a especie més extensa en as rechions palearctica y nearctica d'o planeta. Per o rechistro fosil se ye puesto saber en enantes tamién i heban vivito altras especies, como la rabosa polar (Alopex lagopus) u qualques especies parellanas, que actualment no se troban si que en latitutz muit concretas d'o planeta.

Zoonimia[editar | editar código]

En os documentos aragoneses medievals i gosa apareixer derivatos d'o termin «Vulpecula», de tradición més latinizadera, que fa pensar que enantes estes animals hesen puesto conoixer-se como Golpella[1] en o territorio d'Aragón. Esta hipotesi se refirma con qualques toponimos en a provincia de Zaragoza y La Riocha, que responden a formas como «vulpellars», «gulpellars», ecetra.

A parola aragonesa actual, «rabosa», demana de «rabo», y ye un termin que se tornó popular a partir d'a baixa Edat Meya, en estando relacionato con a coda tan conspicua que tienen estes animals. En o sieglo XV trobamos rabosas/raboses en os peaches de L'Ainsa, Uesca, Monzón y Zaragoza.

Chunto con a forma «rabosa», en buena parte d'o territorio trobamos «raposa». Esta segunda variant se documenta en a val de Tena,[2] en a val d'Echo,[2] en Lecinyena en os Monegros[2] y en Biarche en o norueste d'o Semontano de Balbastro[2] y Lecinyena, estando en qualques d'ixes lugars más sentible la forma masculina «raposo». En o Viello Sobrarbe se da como voz extincta, tamién bi n'ha una variant como reposo (en Boleya). En muitos lugars en as sierras de Teruel a parola «raposa» y «raposo», a tamas d'a distancia con os altros focos d'o norte a on que se i diz, s'emplegan a ormino ta referir-se a estes animals. A desparte d'ixes puestos, a forma «rabosa» ye la cheneral en a resta d'Aragón.

Bi ha dos hipotesis sobre a existencia d'as variants con -p- y con -b-:

  • As formas raposa y raposo serían castellanismos. raposa, raposo son parolas conoixitas dende a baixa Edat Meya en castellán, en un tiempo en o que en aragonés s'escribiba rabosa, raboso. Coromines considera que estas parolas antigas con -p- en castellán representan una alteración a causa d'o influxo de rapiega, (como dicen a esta especie en asturián), y atras parolas d'a familia rapiña, por os instintos depredadors y oportunistas d'a rabosa.
  • As formas raposa y raposo serían variants conservadera con as consonants oclusivas xordas intervocalicas y farían referencia a la forma de napo d'a coda (RAPUM ye una variant de NAPUM en latín). Estas formas serían unas formas anteriors a rabosa y raboso.[1] Seguntes Juan A. Frago a presencia d'as voces raposa y raposo en a provincia de Teruel se deben a que se castellanizoron pronto, enantes de producir-se a sonorización en a mes gran part d'o territorio navarro-aragonés.[1]

Queda ubierta a interpretación sobre si son castellanismos adhibitos a la parla local u si representan un caso de conservación d'a xorda intervocalica -P- como en capuzar u capín, pero a forma rabosa ye a que tien tradición escrita y aria més gran.

Imachens[editar | editar código]

Se veiga tamién[editar | editar código]

Referencias[editar | editar código]

  1. 1,0 1,1 1,2 Juan A.Frago "Toponimia navarroaragonesa del. Ebro (VI): Fauna". AFA XXXIX [1]
  2. 2,0 2,1 2,2 2,3 (an) VIDALLER TRICAS, Rafael; O Libro d'as Matas y os Animals; Dizionario aragonés d'espezies animals y bechetals; Ed. Bal de Onsera. Zaragoza, 2004. ISBN 978-84-89862-35-7

Vinclos externos[editar | editar código]