Udis

De Biquipedia
Ir ta: navego, busca
Udis
Población total
8.000-9.000
Rechions con comunidatz importants
Flag of Azerbaijan.svg Azerbaichán 4.100
Flag of Russia.svg Rusia 3.721
Flag of Georgia.svg Cheorchia 203
Flag of Armenia.svg Armenia 200
Idiomas
Udi y ruso
Relichión
Cristianismo
Pueblos relacionatos
Altros pueblos norcaucasicos

Os udis son un grupo etnico que habita en os poblatos de Nidz y Vartashen (Norte d'Azerbaichán) y en Zinobiani (Este de Cheorchia).[cita requiesta] A suya luenga ye d'a branca daguestaní d'as luengas caucasicas y son cristians. Son un pueblo interesant dende o punto de vista historico porque son o zaguer resto d'os albans, una important gran nación caucasiana cristiana desapareixita homonima d'os albaneses balcanicos. Se calcula que son unos 7000 individuos.

Os udi de Vartashen y Zinobiani perteneixen a la mesma ilesia que os cheorchians, manimenos os que viven en Nidz son monofisistas como os armenios, (historicament os armenios contribuyoron a la desaparición d'os albans como nación diferent quan los sozmetioron a autoridatz relichiosas armenias). En as suyas cerimonias relichiosas bi ha restos d'un culto a la luna, y se sabe que a luna yera a divinidat prencipal d'os albans caucasians.

A economía tradicional d'os udis se basa en l'agricultura y en a horticultura. As suyas casas son de piedra en Azerbaichán y de fusta en Cheorchia, tienen una chaminera en a cantonera que fan servir pa secar y almazenar fruita. A suya vestimenta ye d'influencia azerí. A suya cultura ye muito influita por a cultura d'os azerís, armenios y cheorchians.

Luenga[editar | editar código]

Tien dos dialectos, o vartashen, (que se charra en Vartashen y Zinobiani), y o nidz, que se charra en Nidz. Ni l'un ni l'atro lo fan servir como luenga escrita, en Cheorchia escriben en cheorchián y en Azerbaichán escriben en azerí u armenio

Bibliografía[editar | editar código]

  • Amiram Gonen Diccionario de los pueblos del mundo. 1996 Anaya&Mario Muchnik.