Tova calsinosa
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una tova calsinosa, popularment dita piedra tosca u simplament tosca, ye un tipo de roca calsinera d'orichen continental que s'ha formau como por la precipitación de lo carbonato calcico que leva disuelto un río u l'augua de sale d'una surchencia karstica por perder de sopetón lo dioxido de carbonio por turbulencias, por escalfamiento u por la fotosintesi de las plantas y algas que mulla.
Un proceso tipico de formación de tovas calsinosas ye sobre la vechetación que se troba en la superficie l'augua que sale por una surchencia karstica. Las plantas y algas prenen lo dioxido de carbonio disuelto en l'augua pa fer la fotosintesi, lo que fa que lis precipite en la suya superficie lo carbonato calcico en forma de lamas concentricas. Cuan los vechetals mueren quedan los foratos correspondients a tallos, brancas, peciolos, ecetra en meyo d'una masa de carbonato calcico, por lo que la roca ye esponchosa y liuchera. La vechetación muerta ye substituyida por atra que tamién se petrificara. D'esta traza se forman grans acumulacions de tovas, las toveras, que creixen indefinidament, y se pueden formar saltos d'augua.[1]
La formación actual de tovas calsinosas ye observable en lo Monesterio de Piedra y en lo salto de Calomard.
Denominacions[editar | modificar o codigo]
La tova calsinosa recibe la denominación popular de tosca, parola que se documenta en la redolada de Penya Montanyesa,[2] d'astí que las acumulacions de tova calsinosa se dicen toscars[3] u tosqueras, parolas visibles en la toponimia d'arias karsticas como por eixemplo Lo Toscar en Foradada d'el Toscar u la Masía de la Tosca en Aldeyuela.
Aplicacions[editar | modificar o codigo]
Las tovas calsinosas se fan servir como material de construcción. En lo Pireneu y Prepireneu se feba servir la tova calsinosa u "piedra tosca" pa fer as chamineras tradicionals. Tamién se feba servir la piedra tosca pa limpiar.[3]
Referencias[editar | modificar o codigo]
- ↑ Eumenio Ancochea Soto, Francisco Anguita Virella, Fernando Moreno Serrano. Geología Procesos Externos. Editorial Edelvives, 1990.
- ↑ Fernando Blas Gabarda, Fernando Romanos Hernando El aragonés de Baixo Penyas. Localidades de Sobrarbe situadas en las faldas de Peña Montañesa. Gara d'Edizions, 2005..
- ↑ 3,0 3,1 Fernando Blas Gabarda, Fernando Romanos Hernando Diccionario aragonés. chistabín-castellano pp 498. Ainas. Gara d'Edizions, 2008.