Tottenham Hotspur Football Club

De Biquipedia
Ir ta: navego, busca


Gtk-find-and-replace.svg Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.
Tottenham Hotspur
Tottenham Hotspur.svg
Datos
Nombre oficial Tottenham Hotspur Football Club
Embotada(s) Spurs
Establito 1882
Estadio
Nombre White Hart Lane
Ciudat Londres (Anglaterra, Reino Unito)
Aforo 36.310
Devantad. Setiembre de 1889.
Dirección
President Flag of England.svg Daniel Levy
Entrenador Flag of England.svg Harry Redknapp
Títols
Títols 2 Premier League
8 Copas d'Anglaterra
4 Copas d'a Liga
7 Community Shield
2 Second Division
Liga Premier League
2010/11
Pachina oficial d'o club
Equipacions
Kit left arm.svg Kit body Spurs home 2011-12.png Kit right arm.svg
Kit shorts.svg
Kit socks.svg
Primera
equipación
Kit left arm Spurs away 2011-12.png Kit body Spurs away 2011-12.png Kit right arm Spurs away 2011-12.png
Kit shorts Spurs away 2011-12.png
Kit socks Spurs away 2011-12.png
Segunda
equipación

O Tottenham Hotspur Football Club ye un club de fútbol d'Anglaterra, d'o municipio de Haringey en a ciudat de Londres. Fue fundau en 1882 y chuga en a Premier League . O suyo rival clasico ye l'Arsenal, con o qual disputa o Derbi d'o Norte de Londres. O club ye clamau Spurs por os aficionaus.

Historia[editar | editar código]

Finals de sieglo XIX[editar | editar código]

O Tottenham Hotspur FC fue fundau en o anyo 1882 con o nombre de "Hotspur FC" por l'iniciativa d'os mesaches d'o club de cricket "Hotspur" y d'a escuela primaria local d'establir un club de fútbol.

En 1883 o club fue presidito por o sinyor John Ripsher. A color d'o club yera azul marina dica 7 anyos dimpués, en que a camiseta cambeó ta roya. En 1884 l'institución cambeo o suyo nombra ta "Tottenham Hotspur Football and Athletic Club".

Tres anyos más tarde, se produz o primer clasico, conoixiu como Derbi d'o Norte de Londres contra o Arsenal, ta part d'alavez conoixiu como "Royal Arsenal". O partiu se suspendió a causa d'a foscor, con os "Spurs" ganando 2-1. En 1888 o club se treslada a os terrenos privaus en Northumberland Park.

En 1895 a institución se profesionaliza. Al anyo siguient, uns 6.000 espectadors veyoron o partiu amistoso contra o Aston Villa. O club asciende a la Primera División d'a Liga. Amás, i hai unatro cambeo de colors. En cuenta de royo con azul marino se convierte en negro y dorado. Un anyo dimpués, s'aconsigue plegar a la final d'una copa por primera vegada, chugando contra l'equipo local "Wellingborough" y perdendo 0-2 en a Charity Cup. Y en 1898 o club se convierte en una sociedat de responsabilidat limitada. Un partiu contra o "Woolwich Arsenal" atraye a una multitut de 14.000 espectadors. Se da unatro cambeo de colors, camisa blanca y pantalón azul.

En 1899, o club se treslada a White Hart Lane, puesto an se sitúa actualment.

Sieglo XX[editar | editar código]

Al prencipiar o nuevo sieglo, en 1901, s'aconsigue a FA Cup ta convertir en o solo club d'a Liga, dende l'inicio d'a Competición en 1888, en aconseguir ista honor.

En 1920 aconsiguió un ascenso a la First Division con 70 puntos, récord en l'antigo sistema de dos puntos por victoria.

En 1934 se remata a construcción d'a grada iste d'o estadio.

1951 estió un anyo historico. O club se consagra campión de Liga por primera vegada en a suya historia. Y diez anyos mas tarde, en 1961, aconsiguioron o doblete aconseguindo a suya segunda liga y a FA Cup. Manimenos, nunca mas tornarían a alzar o trofeu de Liga.

1963 estió unatro anyo de gloria t'o club. S'aconsigue a Recopa d'Europa redotando a o Club Atletico de Madrit espanyol en a final por 5-1. Dentraría en a historia d'o futbol anglés como o primer club britanico en ganar una competición europea important.

En 1971 s'adchudicoron a League Cup. Y un anyo dimpués, se facioron con a Copa d'a UEFA.

En 1980 o Old West Stand ye demolido ta dar paso a una estructura nueva y moderna.

En 1982 aconsiguen a FA Cup por setena vegada en l'anyo d'o Centenario d'o Club. Un anyo mas tarde, o Tottenham se convierte en o primer club de futbol en flotar as accions en a Bolsa de Valors de Londres.

En 1984 s'aconsigue a Copa d'a UEFA por segunda vegada. Un anyo mas tarde torna a haber un cambeo de colors. Se chugaba con camisas blancas y pantalones blancos dica 1987, an tornan a vestir camisas blancas y pantalones cortos azul marino.

Un fichaje millonario se produciría en 1988: a sinyatura de Paul Stewart d'o Manchester City Football Club por £ 1,5 millons.

En 1989 a Grada Iste ye renovada.

En 1991, o club s'adchudica a FA Cup por octava y zaguera vegada dica hue. Alan Sugar se convirtió en president d'o club y declaró a bancarrota imminent.

En 1992 a Liga tomó o nombre de FA Premier League. O Tottenham nunca ha descendido de categoría dende alavez, estando un d'os pocos equipos que se mantienen en a categoría, chunto a o Manchester United Football Club, Liverpool, Arsenal, Aston Villa Football Club, Chelsea Football Club y Everton.

En 1995 o New South Stand ye rematau. Se traspasa a Chris Armstrong, d'o Crystal Palace por £ 4,5 millons. Un anyo dimpués se planteya que s'inviertan £ 10,900,000 ta reconstruir Stand d'o Norte, zonas completas d'hespitals en o sud, y reconstruir terreno de chuego. Y en 1997 plegó una estrela d'a Liga por aquella epoca: Les Ferdinand, procedent d'o Newcastle United sinyatura por £ 6 millons.

En 1998 o nuevo Norte Stand ye rematau. a capacidat d'o estadio queda en 36.257.

En l'anyo 2000 plega unatro fichaje caro, o ucrainián Serhiy Rebrov por £ 11 millons, procedent d'o Dinamo de Kiev.

Sieglo XXI[editar | editar código]

En 2001 plegó a o club l'ex-seleccionador Glenn Hoddle. Daniel Levy se convirtió en president. Teddy Sheringham, l'héroe d'a final d'a Champions 1999 tornó a o club procedent d'o Manchester United Football Club y s'unió a os recientment plegaus Christian Ziege y Gustavo Poyet.

En 2002 se plega a la final d'a Worthington Cup, en a primera temporada de Glenn Hoddle como mánager, pero perdió 2-1 debant d'o Blackburn Rovers en o Millennium Stadium de Cardiff. Jamie Redknapp sinyó en abril por o club chusto antes d'o fichaje por £ 7 millons d'o delantero estrela irlandés, Robbie Keane, procedent d'o Leeds United, en agosto. Un anyo dimpués, plegan a o club Helder Postiga y Bobby Zamora, En setiembre, Glenn Hoddle deixa l'equipo, estando substituiu de traza temporal por David Pleat.

En 2004 se formó una nueva estructura en o club. David Pleat se marchó en chulio. Plegoron a o club Frank Arnesen, procedent d'o PSV Eindhoven, como Director Esportivo, Jacques Santini como entrenador en chefe, Martin Jol como Primer Asistent y Dominique Cuperly como preparador fisico. Santini abandonó en noviembre y Martin Jol asumió o cargo de director tecnico. En octubre, a Selección anglesa contó con tres Spurs (Jermain Defoe, Ledley King y Paul Robinson) por primera vegada dende 1987.

Jonathan Woodgate ex chugador d'o tottenham

A partir de l'anyo 2006 se levoron a cabo una serie d'exitosos fichajes que levoron a o club de nuevo a o panorama europeu, entre ells, Aaron Lennon, Michael Dawson, Dimitar Berbatov, Didier Zokora, Benoit Assou-Ekotto, Pascal Chimbonda, y Steed Malbranque. Manimenos, o talentoso mediocentro Michael Carrick se marchó a o Manchester United Football Club.

En 2007 plegoron a o club Gareth Bele y Darren Bent, mientres que a o director tecnico Martin Jol se le pidió que dimitiese chunto a l'entrenador Chris Hughton. Le substituyó Juande Ramos, procedent d'o Sevilla FC espanyol, con os suyos ayudantes Marcos Álvarez y Gustavo Poyet, ex d'o club.

O 2008 tenió un comienzo magnifico. Primero estió a gran victoria debant d'o Arsenal por 5-1 y a posterior victoria frent a o Chelsea por 2-1 ta devantar a League Cup en o estadio Wembley. Os chugadors David Bentley, Heurelho Gomes, Luka Modric, Roman Pavlyuchenko y Giovanni dos Santos son as exitosas nuevas encorporacions mientres que Harry Redknapp tomó o relevo de Juande Ramos en o banquillo en octubre de 2008.

En chinero de 2009, plegó a o club Wilson Palacios, y tornoron Robbie Keane y Jermain Defoe.

En l'anyo 2010, y dimpués de quasi 50 anyos, o club aconsiguió a clasificar t'a Liga de Campions de la UEFA (ta part d'alavez clamada Liga de Campions de la UEFA). Una clasificación se concretó en as zagueras chornadas con victorias a lograda frent a o Manchester City Football Club con gol de Peter Crouch.

a temporada 2010-2011 prencipió con a previa d'a Champions frent a o conchunto Suizo d'o Young Boys. En o partiu d'ida os Suizos metioron en periglo a continuidat d'os Spurs en ista competición, ya que en a primera meya hora ganaban 3-0, pero os Spurs aconsiguioron retallar o marcador y acaboron con 3-2 en contra. a tornada estió diferent y o Tottenham ganó por un 4-0 en White hart Lane, con hat-trick de Peter Crouch. Os Spurs compartioron grupo con l'actual campión, o Inter de Milán, Werder Bremen y Twente. En a tercera chornada visitoron Sant Siro ta medir con l'Inter an perdioron 4-3 tot y que Gareth Bele aconseguirá marcar tres gols en a segunda parte. En a tornada en White Hart Lane, unatra gran partiu de Gareth Bele sí permitió a os Spurs vencer 3-1.

O Tottenham se vengaría d'o suyo rival, o Arsenal, que les apeó d'a Carling Cup, con una victoria important en o Emirates Stadium por 2-3 en a liga premier.

O 15 de febrero de 2011 os Spurs aconsiguioron ganar a o AC Milan, por 1 a 0 con gol de Peter Crouch dimpués de chugada de Aaron Lennon y, o 9 de marzo d'o mesmo anyo aconsiguioron aconseguir o paso a os quartos de final d'iste competición. O Real Madrid acabaría con o soneo d'os Londinenses, que quedarían eliminaus en perder por 4-0 en o Estadio Santiago Bernabéu, an estió clave a temprana expulsión de Peter Crouch; y en a tornada, por 0-1, con gol de Cristiano Ronaldo dimpués que l'árbitro no pitara quantos posibles penaltis en os primers intes.

En a liga, os Spurs peleyoron dica o final por a 4ª plaza, pero finalment una redota contra o Manchester City Football Club por 1-0 les deixó sin opcions de tornar a chugar a Liga de Campions. En a debantzaguera chornada s'enfrentarían a o Liverpool, por a sola plaza de Liga Europea de la UEFA, a os spurs solament les valeba a victoria y finalment aconsiguioron imposar por 0-2 en Anfield, con gols de Rafael van der Vaart y Luka Modric.

En verano de 2011 plegoron a o club 3 importants fichajes: o portero veterano estadounidense Brad Friedel, o centrocampista Scott Parker y o delantero Emmanuel Adebayor.

Por unatra parte dejarian o club 7 chugadors, d'el qual destacan dos nombres que deixoron sinyal en White Hart Lane: l'ex capitán Robbie Keane, quí fichó por Los Ángeles Galaxy y o gigantón Peter Crouch, delantero canterano que se marchó a o Stoke City, mesmo equipo en el qual recalaron Wilson Palacios y Jonathan Woodgate, qui tamién se vestirán de potters. Por unatra parte os chugadors Alan Hutton Y Jermaine Jenas ficharon por o Aston Villa, iste ultimo en calidat de cedido, y finalment David Bentley tamién deixó o club ta vestir a camiseta d'o West ham en calidat de cedido. a mayor alegria ta l'aficion d'o Tottenham estió a continuidat d'o mago crovata Luka Modric en l'equipo.

Estadio[editar | editar código]

O Tottenham Hotspur se mudó a White Hart Lane en 1899. O suyo primer partiu en iste campo finalizó con una victoria sobre o Notts County por 4-1. Cinco mil aficionaus presenciaron a victoria. Entre 1908 y 1972, White Hart Lane estió un d'os pocos recintos de futbol britanicos que no amostraban garra cleta publicitaria.

Arredol de 1923 o recinto fue enamplau ta dar cullida a 50.000 espectadors cubiertos. Ye cosirau por a suya mascota, un gallo de baralla policía, dende o tejado d'a Grada Iste. En os anyos 1930 o futbol yera un pasatiempo tremendament popular, y manimenos a relativa mediocridad d'o Tottenham, 75.038 espectadors acudioron a White Hart Lane en marzo de 1938 ta veyer a os Spurs perder con o Sunderland en a FA Cup. En 1953 s'introducioron os focos, que fuoron renovados de nuevo en os anyos 1970 y regularment renovados con nueva tecnolochía dende alavez.

Recientment se reveló a construcción d'un nuevo estadio que dará cullida a 60.000 aficionaus.

Entrenadors[editar | editar código]

Nombre País Dende Dica
Glenn Hoddle Flag of England.svg 2001 2004
Martin Jol Flag of the Netherlands.svg 2004 2007
Juande Ramos Flag of Spain.svg octubre de 2007 octubre de 2008
Harry Redknapp Flag of England.svg 2008 Actualment

Palmarés[editar | editar código]

Torneyos nacionals[editar | editar código]

Torneyos internacionals[editar | editar código]

Torneyos amistosos[editar | editar código]

Enlaces externos[editar | editar código]


Flag of England.svg
Premier League
Flag of Wales 2.svg

Arsenal | Aston Villa | Blackburn Rovers | Bolton Wanderers | Chelsea | Everton | Fulham | Liverpool | Manchester City | Manchester United | Newcastle United | Norwich City | Queens Park Rangers | Stoke City | Sunderland AFC | Swansea City AFC | Tottenham Hotspur | West Bromwich Albion | Wigan Athletic | Wolverhampton Wanderers