Stéphane Hessel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Stéphane Hessel
Stéphane Hessel en 2010.
Información personal
Calendata de naixencia	20 d'octubre de 1917
Puesto de naixencia	Berlín (Imperio Alemán, hue Alemanya)
Calendata de muerte	27 de febrero de 2013
Puesto de muerte	París (Francia)
Ocupación	Escritor y diplomatico

Stéphane Hessel (naixito de Berlín, Alemanya, o 20 d'octubre de 1917 y muerto en París, Francia o 27 de febrero de 2013) estió un escritor y diplomatico francés y un d'os redactors d'a Declaración Universal d'os Dreitos Humans de 1948 y autor d'o popular libro Indignez-vous! (títol en francés, en aragonés Carranyatz-tos!). Istas zaguers anyadas heba intensificau o suyo discurso endrezando-se a los carranyaus de tot lo mundo y demandando-lis que se comprometesen ta cambear as cosas. Lo fació a traviés d'o libro Comprometetz-tos, ya no en ye prou con carranyar-se, que publicó una anyada dimpués de Indignez-vous!.

Historia

Stéphane Hessel naixió de Berlín en 1917. En 1924, con su mai, plegó en Francia, a on que consiguió a nacionalidat. Miembro d'a resistencia francesa mientres a Segunda Guerra Mundial, se unió a lo cheneral de Gaulle y a la Francia Libre en 1941. Fue deteniu y portau en os campos de concentración d'o Tercer Reich, pero se'n podió eslampar. Dimpués d'a guerra, partecipó en la redacción d'a Declaración Universal d'os Dreitos Humans de 1948.

Stéphane Hessel morió o 27 febrero de 2013. Yera l'unico redactor d'a declaración que quedaba vivo.

Obras

• 1997: Danse avec le siècle, autobiografia, Seuil.
• 2002: Dix pas dans le nouveau siècle, Seuil.
• 2006: Ô ma mémoire, la poésie, ma nécessité, 88 poemas, Seuil.
• 2008: Citoyen sans frontières, conversas con Jean-Michel Helvig, Fayard.
• 2010: Indignez-vous!, Indigène éditions, Montpeller.
• 2011: Comprometez-vous!.

Carranyatz-tos!

O libro Indignez-vous! ye un manifiesto de menos de sisanta pachinas que empenta a reaccionar contra las inchusticias d'o mundo y a rebelar-se de traza pacifica, y consiguió un gran exito de vendas, mas que mas en Francia y Espanya. Hessel bi alvertía de que a resistencia ye hue muito más dificil que no fa trenta anyadas. Seguntes Hessel:

Antis más yera muito esclatero l'enemigo Hitler, Stalin u Franco, pero hue l'enemigo ye a sinchusticia, a pobreza, a explotación d'a tierra y a violación de qualsiquiera d'os dreitos replegaus en a Declaración Universal d'os Dreitos Humans de 1948.

Comprometetz-tos!

Endrezando-se a los carranyaus de tot lo mundo y demandando-lis que se comprometesen ta cambear as cosas fació o libro Comprometetz-tos. Agora ye tiempo de no estar-se indiferent y denunciar as sinchusticias.

Vinclos externos

• (an) Muere Stéphane Hessel, autor de ‘Indignez-vous!’, en Arredol.

• Datos: Q165110
• Multimedia: Stéphane Hessel / Q165110