Simién
De Biquipedia
La simién ye la estrutura con la que se consigue la reproduzión e propagazión de las plantas espermatófitas. La simient ye lo resultato de la fecundazión e maturazión de l'obulo d'una chimnosperma u d'una anchiosperma. Una simient contién un embrión que se desembolicará esdebenindo una nueba planta si se dan unas condizions adecuatas. Pero tamién contién una fuent de nutrients almazenatos y ye embolicato con una cubiertas proteutora.
[editar] Estrutura
L'alimento almacenato encomienza como un texito fino e delgato clamato endospermo que ye probisto por la planta prochenitora e puet estar rico en azeite u almidón y en proteínas. En bellas espezies, l'embrión se alocha en l'endospermo, que la simient emplegará pa la cherminación. En atros, l'endospermo ye absorbito por l'embrión mientres que lo zaguer crexe dentro de la simient que se desembolica, e los cotiledons de l'embrión se plenan de l'alimento almazenato. En l'embero, las simients d'estas espezies no tienen ya endospermo. Bellas simients de plantas comuns que no tienen endospermo son las fabas, bisaltoss, carbazas, chirasols, y rabanetas. Las simients de plantas con endospermo encluyen totas las coniferas, la mayor parte de los monocotiledonias, las ierbas, tals como la panizera y lo coco.
La emboltura de la simient se desembolica a partir de cubiertas clamatas tegumentos, que orichinalment rodeyan l'obulo. En la simient esta emboltura matura puet esdebenir una fina cubierta como en lo cacagüet u bella cosa més sustanzial.
Las simients de las anchiospermas quedan contenitas en estruturas secas y carnosas (u en capas de las dos), clamatas fruitos. Se clama fruita a l'alimento que representan los fruitos carnosos e dulzes. Las simients comestibles que bi ha dentro d'os ruellos u d'as tabiellas d'as legumbres se dizen lulos.
Sin d'embargo la simient de las chimnospermas empezipian lur desembolique despullatas denzima de las bractias de los conos, encara que en lur desembolique las acomapañan unas escamas que aduyan a la protezión e dispersión.
